ەلوردالىق قارجى پيراميداسىن قۇرىپ، 2 مىڭ ادامدى الدادى

اگەنتتىكتىڭ حابارلاۋىنشا نۇر-سۇلتان قالالىق دەپارتامەنتى قارجى پيراميداسىن قۇرۋ جانە وعان جەتەكشىلىك ەتۋ فاكتىسى بويىنشا احىمبەكوۆا ر. ج. جانە ك. ج. ەلەۋكەنوۆاعا قاتىستى قىلمىستىق ءىس تەرگەلىپ، اياقتالعان.
قارجى پيراميداسىن قۇرۋشى «WhatsApp» پەن «Telegram» مەسسەندجەرلەرىنەن «استانا راۋشان كاسسا اينالىمى» اتتى چات اشىپ، اقشالاي قاراجات الۋ ءۇشىن 2 مىڭ سالىمشىنى تارتقان. قارجى پيراميداسىنىڭ جۇمىس ىستەۋ قاعيداسى قاتىسۋشىلاردىڭ كىرىس الۋ ءۇشىن جاڭا تۇلعالاردى تارتۋ قاجەتتىلىگى بولىپ تابىلادى، سوڭعىلارى ءوز كەزەگىندە جاڭا قاتىسۋشىلاردى تارتۋى كەرەك.
نۇر-سۇلتان قالاسى سارىارقا اۋدانىنىڭ №2-اۋداندىق سوتى قارجى پيراميداسىنىڭ قۇرۋشى مەن باسشىسىن ناقتى مەرزىمگە - ءارقايسىسىن 5 جىلعا باس بوستاندىعىنان ايىرۋ جازاسىنا كەستى. سونداي- اق سوت ولاردىڭ ەكەۋىن دە 5 جىل مەرزىمگە ازاماتتاردىڭ قاراجاتى مەن ينۆەستيسيا تارتۋعا بايلانىستى قىزمەتپەن اينالىسۋ قۇقىعىنان ايىردى.
198 جابىرلەنۋشىنىڭ ازاماتتىق تالاپتارى قاناعاتتاندىرىلدى. قارجىلىق مونيتورينگ اگەنتتىگى ازاماتتاردى اسا ساق بولۋعا جانە قارجىلىق پيراميدالارعا تارتاتىن الاياقتاردىڭ ايلا-امالىنا تۇسپەۋگە تاعى دا شاقىردى.