17:50, 05 - تامىز 2021 | GMT +6
قىرعىزستاننىڭ بۇرىنعى پرەمەر- ءمينيسترى 2 ايعا قامالدى
نۇر- سۇلتان. قازاقپارات – قىرعىزستاننىڭ ەكس- پرەمەر- ءمينيسترى تەمىر سارييەۆ 30- قىركۇيەككە دەيىن قاماۋدا بولادى. وسى ەلدىڭ مەملەكەتتىك ۇلتتىق قاۋىپسىزدىك كوميتەتى 3- تامىزدا ونى ۇستاعانىن حابارلاعان بولاتىن.
2 ايعا قاماۋ تۋرالى شەشىم تۇندە قابىلدانعان. بۇرىنعى ۇكىمەت باسشىسى كۋم- ءتور كەن ورنىن يگەرۋگە بايلانىستى قوزعالعان قىلمىستىق ءىس بويىنشا تەرگەلىپ جاتىر. سوت زالى عيماراتىنىڭ ماڭىنا جينالعان تەمىر سارييەۆتىڭ تۋىستارى مەن جاقتاستارى ونى بوستاندىققا شىعارۋدى تالاپ ەتكەن. ەكس- پرەمەر- مينيسترگە ەكولوگيالىق شىعىندى ازايتىپ كورسەتىپ، بىرنەشە ميلليارد سوم زيان كەلتىردى دەگەن ايىپ تاعىلىپ وتىر.
www.24.kz