يران اي سايىن «سپۋتنيك ۆ» ۆاكسيناسىنىڭ 2 ميلليونداي دوزاسىن وندىرمەك
بۇل تۋرالى يران اۋماعىندا اتالعان ەكپەنى وندىرەتىن فارماتسيەۆتيكالىق كومپانيانىڭ ديرەكتورى رەزا موستوۋفي ءمالىم ەتتى، دەپ حابارلايدى قازاقپارات ي ر ن ا- عا سىلتەمە جاساپ.
«سپۋتنيك V» ۆاكسيناسىن ءوندىرۋ قۋاتى اي سايىن 2 ميلليون دوزا. بۇعان دەيىن يراننىڭ دەنساۋلىق ساقتاۋ ءمينيسترى سايدا ناماكيدىڭ قاتىسۋىمەن اتالعان ەكپەنىڭ العاش تەستىلەۋ پارتياسىنىڭ رەسمي تانىستىرىلىمى وتكەن. يران تاياۋ شىعىس ەلدەرى اراسىندا رەسەيلىك ۆاكسينانى وندىرىسكە ەنگىزگەن العاش مەملەكەت.
«سپۋتنيك V» بۇل ەل اۋماعىندا ۇلتتىق ۆاكسيناتسيالاۋ باعدارلاماسىن جۇزەگە اسىرۋدا قولدانىلادى. ايتا كەتسەك، «سپۋتنيك V» ەكپەسى بۇگىندە حالىق سانى 3,5 ميللياردقا جەتكەن الەمنىڭ 67 ەلىندە تىركەلدى.
ونىڭ قاتارىندا ارگەنتينا، سەربيا، باحرەين، ۆەنگريا، مەكسيكا جانە تاعى باسقا مەملەكەتتەر بار. بۇل ەلدەر كوروناۆيرۋس ىندەتىنە قارسى جاسالعان رەسەيلىك ۆاكسينانىڭ قاۋىپسىزدىگى مەن تيىمدىلىگىن مويىنداپ وتىر.
