ەلوردادا 2 مىڭ ادامدى جيناپ، ۇتىس ويناتقان گۇل دۇكەنىنىڭ باسشىلىعى كەشىرىم سۇرادى
نۇر- سۇلتان اكىمدىگى رەسمي سايتىنىڭ مالىمەتىنە سەنسەك، 7-اقپاندا قالادا ەكى مىڭ ادامنىڭ قاتىسۋىمەن جاپپاي ءىس- شارا وتكىزۋدىڭ جولى كەسىلگەن. جاڭا فيليالدىڭ اشىلۋىنا وراي «Romantic» گۇلدەر ورتالىعى لوتەرەيا ۇتىس ويىنىن وتكىزگەن بولاتىن. جاپپاي ءىس- شارا ماڭگىلىك ەل داڭعىلىندا ۇيىمداستىرىلدى. سالدارىنان ادام كوپ جينالعاندىقتان كەپتەلىس پايدا بولدى. ال قاتىسۋشىلار ماسكا رەجيمىن، الەۋمەتتىك قاشىقتىقتى ساقتاماي، ۆيرۋستىڭ تارالۋ قاۋپىن ارتتىردى. بۇقارالىق ءىس- شارانى وتكىزگەن ۇيىمداستىرۋشىلار قالا تۇرعىندارىنان بەينەوتىنىش تۇرىندە كەلتىرىلگەن زالال ءۇشىن كەشىرىم سۇرادى.
«Romantic» گۇلدەر ورتالىعى نۇر- سۇلتان قالاسىنىڭ تۇرعىندارىنان كەشىرىم سۇرايدى. بولعان وقيعا ءۇشىن بارلىق جاۋاپكەرشىلىكتى ءوز موينىمىزعا الامىز. ءىس- شارا وتكىزۋ ءۇشىن قويىلاتىن تالاپتار مەن باس سانيتارلىق دارىگەردىڭ نۇسقاماسى بۇزىلدى. قالامىزعا جانە جۇرتشىلىققا كەلتىرىلگەن قولايسىزدىقتار ءۇشىن جاۋاپكەرشىلىكتى كوتەرۋگە دايىنبىز. بۇل ءىس- شارا اكىمدىكتىڭ جانە باسقا دا مەملەكەتتىك ورگانداردىڭ كەلىسىمىنسىز وتكىزىلدى. قالا تۇرعىندارى الدىندا كەشىرىم سۇرايمىز. ءبىز قالىپتاسقان جاعدايدىڭ اۋىرلىعىن تۇسىنبەدىك»، - دەيدى گۇل ورتالىعىنىڭ اتقارۋشى ديرەكتورى تەمىرلان كەنجەبايەۆ.
ەسكە سالا كەتەيىك، دۇكەن يەلەرى ق ر ا ق ب ت ك 425-بابىنىڭ ءبىرىنشى بولىگى بويىنشا اكىمشىلىك جاۋاپكەرشىلىككە تارتىلدى، ولارعا 230 ا ە ك نەمەسە 670910 تەڭگە مولشەرىندە ايىپپۇل سالىندى. كاسىپكەرلەر كىناسىن مويىنداپ، ايىپپۇلدى 7 كۇن ىشىندە وتەۋگە كەلىسكەندىكتەن، تولەم مولشەرى - 115 اەك نەمەسە 335455 تەڭگە 7-اقپاندا جۇمىس رەجيمىن بۇزعانى ءۇشىن «زارەچنىي» مونشاسى، «Opus One « كاراوكە- مەيرامحاناسى جانە «Time to smoke» لاۋندج بارى دا جاۋاپكەرشىلىككە تارتىلدى.