كوروناۆيرۋس: ۆاكسينا جاساۋعا 2 جىل قاجەت

نۇر-سۇلتان. قازاقپارات – كوروناۆيرۋستىڭ جاڭا ءتۇرىن جاساپ شىعارۋعا ەكى جىل ۋاقىت قاجەت، ال جۇقتىرۋ جاعدايىن ازايتۋعا اۋا رايىنىڭ جىلۋى اسەر ەتۋى مۇمكىن.

بۇل تۋرالى دۇنيەجۇزىلىك دەنساۋلىق ساقتاۋ ۇيىمى اتقارۋ كوميتەتىنىڭ مۇشەسى ۆالتەر ريچچاردي ايتتى، - دەپ حابارلايدى ريا نوۆوستي.

«تۇماۋعا قارسى ادەتتەگى ۆاكسينانىڭ ەشقانداي اسەرى جوق، سەبەبى ۆاكسينا جاڭا كوروناۆيرۋسقا ارنايى زەرتتەلۋى كەرەك. سوندىقتان ەكى جىلداي ۋاقىت جۇمىس ىستەۋىمىز كەرەك»، - دەدى ول يتاليالىق Tg2000 تەلەارناسىنىڭ ەفيرىندە.

ونىڭ ايتۋىنشا، يتاليانىڭ سولتۇستىگىندە كوروناۆيرۋستىڭ تاراۋى «قاتەرلى ايماقتاردان ەلگە سوڭعى ەكى- ءۇش اپتادا كىرگەن ادامداردى ۇستاماۋ» سەبەپ.

ريچچاردي كوروناۆيرۋس تۋعىزاتىن پنيەۆمونيانىڭ تۇماۋعا قاراعاندا ءولىم-ءجىتىمى كوپ بولاتىنىن ايتادى.

«جىلدام توقتاتپاساق، ينتەنسيۆ تەراپيا بولىمدەرىندە ورىن كوپ بولۋى كەرەك. ارينە، كۇننىڭ ىسۋى كومەكتەسۋى مۇمكىن، ءبىراق ءبىز جازدى كۇتىپ وتىرا المايمىز»، - دەدى يتاليا دەنساۋلىق ساقتاۋ ءمينيسترىنىڭ ورىنباسارى.

ول جۇقتىرعاندار مەن جازىلىپ شىققاندارىڭ ارا-قاتىناسى تۋرالى ايتا كەلە ول «جۇقتىرعانداردىڭ 80 پايىزى ايىعىپ كەتىپ جاتقانىنا» سەندىردى، «2-3 پايىزى، امال نە، ءولىم قۇشىپ جاتىر»، قالعاندارى ءتۇرلى دارەجەدە اۋرۋىن اسقىندىرىپ الادى.