12:29, 30 - ءساۋىر 2019 | GMT +6
ا ق ش- تا لوتەرەيادان 2 ميلليون دوللار ۇتقان بەلگىسىز بىرەۋ اقشانى الۋعا كەلمەگەن
نۇر- سۇلتان. قازاقپارات - بەلگىسىز بىرەۋ تەحاستىق Quick Pick لوتەرەياسىنان 2 ميلليون دوللار ۇتقان. ءبىراق ول اقشانى الۋعا كەلمەگەن، دەپ حابارلايدى CNN تەلەارناسى.
بەلگىسىز بىرەۋ 2018 -جىلدىڭ 27 - قازانىندا كوللەدج- ستەيشن قالاشىعىندا لوتەرەيا بيلەتىن ساتىپ الىپ، ۇتىسقا كەنەلگەن. ءبىراق، ۇيىمداستىرۋشىلارمەن ۋاقتىلى بايلانىسقا شىقپاعان.
ەرەجەگە سايكەس، بيلەتتىڭ يەسى 180 كۇننىڭ ىشىندە ۇتىسىن الىپ كەتۋگە كەلمەسە، اقشا مەملەكەتكە قايتارىلادى.
تەك، اسكەري قىزمەتشىلەردىڭ كەيبىر توپتارىنا عانا قوسىمشا ۋاقىت بەرىلەدى. اقشا يەسى ءالى تابىلعان جوق، ال ۋاقىت از قالدى.