09:12, 07 - قىركۇيەك 2018 | GMT +5
ماڭعىستاۋ وبلىسىندا 2 جاسار بالانى ءيت تالاپ تاستادى
اقتاۋ. قازاقپارات - ماڭعىستاۋ وبلىسىندا 2 جاسار بالانى ءيت تالاپ تاستادى. وقيعا مۇنايلى اۋدانىنىڭ باسقۇدىق اۋىلىندا بولدى، دەپ جازادى tumba.kz.
پوليتسيانىڭ كەزەكشى بولىمىنە جەدەل جەردەم قىزمەتىنىڭ وكىلدەرى حابارلاسىپ، 2016 -جىلى تۋعان، ءيت قاۋىپ العان سابيگە كومەك كورسەتۋگە بارا جاتقاندارىن حابارلاعان.
كەيىن ءمالىم بولعانىنداي، ۇلكەندەردىڭ قاداعالاۋىنسىز قالعان بالا اۋلاعا شىعىپ كەتىپ، وندا ونى يت قاۋىپ العان. اتالعان فاكتى بويىنشا، پوليتسيا قىزمەتكەرلەرى تەكسەرۋ جۇرگىزدى. وقيعاعا قاتىستى وزگە فاكتىلەر ازىرگە جاريالانباي وتىر.
