استاناداعى «ءابۋ- دابي پلازادا» قازاقستاندىقتار ءۇشىن 2 مىڭ جۇمىس ورنى اشىلادى
كەزدەسۋ بارىسىندا «Arabtec Holding PJSC» كومپانياسىنىڭ باسشىلىعى «ابۋ- دابي پلازا» . كەشەنىنىڭ قۇرىلىسى اياقتالعان سوڭ، قازاقستان ازاماتتارى ءۇشىن 2 مىڭ جاڭا تۇراقتى جۇمىس ورنى قۇرىلاتىنىن حابارلادى. تاراپتار «ابۋ- دابي پلازا» نىسانىندا جۇمىسقا يە بولا الاتىن جەرگىلىكتى كادردى دايارلاۋ بويىنشا ارنايى باعدارلاما ازىرلەۋ جونىندە كەلىسىمگە كەلدى. «ءابۋ- دابي پلازا» كەشەنىنىڭ جوباسىن ىسكە اسىرۋعا 17 مىڭنان استام قازاقستاندىق قاتىستى، ولاردىڭ 9,5 مىڭى بىلىكتىلىگى جوعارى قىزمەتكەرلەر - ينجەنەرلەر، مۇنارالى كران وپەراتورلارى، قاۋىپسىزدىك تەحنيكاسى بويىنشا ماماندار. قازىرگى ۋاقىتتا قۇرىلىسقا 3,5 مىڭ قازاقستاندىق ازامات تارتىلعان. جوبانىڭ ىسكە اسۋىنا ۇسىنىلىپ وتىرعان 267 كومپانيامەن ا ق ش، كانادا، ۇلى بريتانيا، فرانسيا، يسپانيا، يرلانديا، رەسەي، ۋكراينا سىندى 43 ەلدىڭ ازاماتتارى قاتىسۋدا.
ايتا كەتەيىك، «ءابۋ- دابي پلازا» كەشەنىنىڭ قۇرىلىسى 2012 -جىلى باستالعان بولاتىن. جوبا بويىنشا ينۆەستيتسيا كولەمى 1,6 ميلليارد ا ق ش دوللارىن قۇرايدى. قۇرىلىس حالىقارالىق ستاندارت جانە جاڭا قۇرىلىس تەحنولوگيالارى بويىنشا جۇرگىزىلۋدە.
