15:43, 31 - مامىر 2016 | GMT +6
قىتايدا 2 مىڭنان استام قازاق ساياسي قۋعىن-سۇرگىن قۇرباندارىن ەسكە الدى
استانا. قازاقپارات - بۇگىن ق ح ر- دىڭ 24 ايماعىندا ءبىلىم الىپ جۇرگەن قىتايداعى قازاق ستۋدەنتتەرى بىرلەستىگىنىڭ 2 مىڭنان استام بەلسەندىسى ساياسي قۋعىن-سۇرگىن قۇرباندارىن ءبىر كۇن ورازا ۇستاپ ەسكە الدى.
«بۇگىن ساياسي قۋعىن-سۇرگىن جانە اشارشىلىق جىلدارىندا قۇربان بولعانداردى ەسكە الۋ ءۇشىن ءوز ەركىمىزبەن ورازا ۇستاپ وتىرمىز. بۇل - ءبىزدىڭ قازاقستانداعى وتانداستارىمىزدى قولداۋ جانە قازاقستان تاريحىنا قۇرمەت كورسەتۋ. سەبەبى، وتكەنىمىزدى بىلمەي، العا جىلجي المايمىز»، - دەدى «قازاقپاراتقا» بەرگەن سۇحباتىندا قىتايداعى قازاق ستۋدەنتتەرى بىرلەستىگىنىڭ باسشىسى جىگەر قابين ۇلى.
ونىڭ ايتۋىنشا، قازىرگى كەزدە شاراعا 2 مىڭنان استام ادام قاتىسقان.
ەسكە سالا كەتەيىك، قىتايداعى قازاق ستۋدەنتتەرىنىڭ بىرلەستىگىنە ق ح ر- داعى قازاق دياسپوراسىنىڭ 15 مىڭنان استام ازاماتى كىرىپ وتىر.
