07:29, 02 - ماۋسىم 2015 | GMT +6
ماۋسىمنىڭ 2- كۇنىنە ارنالعان اۋا رايى بولجامى
استانا. قازاقپارات - 2- ماۋسىم كۇنى قازاقستان تەرريتورياسىنىڭ باسىم بولىگىندە جاۋىن-شاشىنسىز اۋا رايى كۇتىلەدى.
تەك رەسپۋبليكانىڭ باتىسىندا جانە سولتۇستىك-باتىسىندا اتموسفەرالىق فرونتتاردىڭ وتۋىنە بايلانىستى كەي جەرلەرىندە نايزاعايلى جاڭبىر جاۋىپ، ەكپىندى جەل بولادى. بۇل تۋرالى قازگيدرومەت حابارلادى.
باتىس قازاقستان، كۇندىز پاۆلودار وبلىستارىنىڭ كەي جەرلەرىندە جەل 15-20 م/س كۇشەيەدى. تۇندە جانە تاڭەرتەڭ سولتۇستىك قازاقستان وبلىسىنىڭ كەي جەرلەرىندە تۇمان كۇتىلەدى. كۇندىز اتىراۋ، اقتوبە، قوستاناي وبلىستارىندا، باتىس قازاقستان، ماڭعىستاۋ، قاراعاندى وبلىستارىنىڭ كەي جەرلەرىندە وتە قاتتى ىستىق كۇتىلەدى.
وڭتۇستىك قازاقستان، الماتى وبلىستارىنىڭ كەي جەرلەرىندە وتە قاتتى ىستىق ساقتالادى.