قازاقپارات كۇنتىزبەسى: 29- ناۋرىز
ەستە قالار وقيعالار
1994 -جىلى م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە ءدارىس وقىعان ق ر پرەزيدەنتى نۇرسۇلتان نازاربايەۆ ەۋرازيالىق ەكونوميكالىق وداق قۇرۋ يدەياسىن ۇسىندى.
1996 -جىلى پاۆلودار وبلىسىنىڭ باياناۋىل اۋىلىندا بۇقار جىراۋعا ەسكەرتكىش اشىلدى.
2006 -جىلى 1913-1918-جىلدارى ۇلتتىڭ مۇڭىن مۇڭداپ، جوعىن جوقتاعان «قازاق» گازەتى قايتا شىعا باستادى. ⅩⅩ عاسىردىڭ باسىندا ۇلتىمىزدىڭ ازاتتىق رۋحىنىڭ كۇمىس قوڭىراۋى بولىپ، قازاقتىڭ كوزى، قۇلاعى، ءۇنى رەتىندە ءتىل قاتىپ، تاۋەلسىزدىك يدەياسىن ەل اراسىندا پارمەندىلىكپەن ناسيحاتتاعان «قازاق» گازەتى الاشتىڭ ۇلدارى ءاليحان، احمەت، ءمىرجاقىپتاردىڭ ىستەرىن جالعاستىرۋدى ماقسات تۇتقان.
2007 -جىلى قازاقستان رەسپۋبليكاسىنىڭ پرەزيدەنتى ن. نازاربايەۆقا ەكونوميكالىق رەفورمالاردى جۇرگىزۋ سالاسىنداعى جانە مۇسىلمان الەمى ەلدەرىندە پوزيتيۆتى ديالوگتى كەڭەيتۋگە قوسقان ۇلەسى ءۇشىن «مۇسىلمان ەلدەرى اراسىنداعى ۇزدىك باسقارۋ جۇيەسى» ناگراداسى تاعايىندالدى. ونى 2005-جىلى پاكىستاننىڭ اعىلشىن ءتىلدى جەتەكشى گازەتتەرىنىڭ ءبىرى - «Pakistan Observer» رەداكتسيالىق كوللەگياسى بەكىتتى.
2012 -جىلى ۋكراينادان بىرەگەي قۇجات الىندى - وندا سليۆۋتا قالاسى ماڭىنداعى «گروسسلازارەت» نەمىس لاگەرىنىڭ قابىرعاسىندا قازا تاپقان قازاقستاندىق جاۋىنگەرلەر ءتىزىمى بولدى. ولاردىڭ بارلىعى رەسمي تۇردە ءىز-ءتۇزسىز جوعالعاندار بولىپ ەسەپتەلىنىپ كەلگەن ەدى.
2013 -جىلى الماتىدا اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ پروفەسسورلىق كلينيكاسىندا ەلىمىزدەگى العاشقى ديابەت ورتالىعى جانە وندا قۇرىلعان مەكتەپ اشىلدى.
2014 -جىلى الماتىدا اباي اتىنداعى مەملەكەتتىك اكادەميالىق وپەرا جانە بالەت تەاترىندا قازاقتىڭ تۇڭعىش كومەديالىق «ايسۇلۋ» وپەراسى قويىلدى. وپەرانى العاش 1964-جىلى الماتىدا رەجيسسەر قاۋكەن كەنجەتايەۆ قويعان بولاتىن. سەركە ءرولىن ەرمەك سەركەبايەۆ، ال ايسۇلۋ ءرولىن روزا جامانوۆا سومداعان.
2014 -جىلى حەلسينكيدەگى فينليانديا ۇلتتىق ءارحيۆىنىڭ باس ديرەكتورى يۋسسي نۋورتيەۆا ق ر مادەنيەت مينيسترلىگىنىڭ وكىلىنە جاريا ەتىلگەن دەرەكتەردى تاپسىردى. وندا 1941-1945-جىلدارى فينليانديا اۋماعىندا بولعان 27 قازاقستاندىق اسكەري تۇتقىننىڭ تىركەۋ كارتوچكالارى تۇرىندەگى قۇپياسىز ەتىلگەن مالىمەتتەر قامتىلعان.
2016 -جىلى قازاقستاننىڭ تۇركياداعى ەلشىلىگى تۇركسوي ۇيىمىمەن ىنتىماقتاستىقتا «Hüzün Kuşağy « (ۇلى دالا اڭگىمەلەرى) دەگەن اتپەن تۇرىك تىلىندە قازاقستاندىق 25 اۆتوردىڭ شىعارمالار جيناعىن باسپادان شىعاردى.
2017 -جىلى باكۋ مەملەكەتتىك ۋنيۆەرسيتەتىندە قازاقتىڭ ۇلى اقىنى، فيلوسوف، جازۋشى ابايدىڭ ازەربايجان تىلىندەگى شىعارمالار جيناعى تانىستىرىلدى. وعان ابايدىڭ ازەربايجان تىلىنە بۇرىن اۋدارىلعان 3 پوەماسى مەن 68 ولەڭى، سونداي-اق جاڭادان اۋدارىلعان «قارا سوزدەرى» ەنگىزىلدى.
2017 -جىلى قازاقستاندىق ءانشى ديماش قۇدايبەرگەننىڭ فوتوسى نيۋ-يورك قالاسىنىڭ مانحەتتەن اۋدانىندا ورنالاسقان تايم سكۆەر الاڭىنداعى ۇلكەن LED ەكرانعا شىقتى. 101 FM راديوسى تانىمال جۇلدىزدار اراسىندا وسى قۇرمەتكە يە بولۋ ءۇشىن بايگە جاريالاعان بولاتىن.
2017 -جىلى قازاقستان ميلاندا وتكەن افريكا، ازيا جانە لاتىن امەريكاسى فيلمدەرىنىڭ فەستيۆالىنە العاش رەت قاتىسىپ، يتاليالىق ۇلى ساياحاتشى تۋرالى «ماركو پولونىڭ جىبەك جولى» اتتى عىلىمي- كوپشىلىك فيلمدى ۇسىندى.
جيھانكەز ءوزىنىڭ ازياعا ساياحاتىنىڭ تاريحىن ايگىلى «الەمنىڭ ارتۇرلىلىگى تۋرالى كىتاپتا» سيپاتتادى. فيلم كينوفەستيۆالدىڭ ارنايى جۇلدەسىنە يە بولدى.
