قازگيدرومەت: 29- شىلدە كۇنگى اۋا رايى بولجامى
تەك رەسپۋبليكانىڭ وڭتۇستىك-شىعىسىندا عانا كۇن اشىق بولادى، دەپ حابارلايدى قازاقپارات قازگيدرومەتكە سىلتەمە جاساپ.
اقمولا وبلىسىنىڭ كەي جەرلەرىندە نايزاعاي، داۋىل، بۇرشاق جاۋۋى مۇمكىن، تۇندە كەي جەرلەردە جەل، كۇندىز باسىم بولىگىندە 15-20 م/س كۇشەيەدى. باتىس قازاقستان وبلىسىندا، تاڭەرتەڭ جانە كۇندىز پاۆلودار وبلىسىنىڭ كەي جەرلەرىندە نايزاعاي، داۋىل كۇتىلەدى، جەلدىڭ جىلدامدىعى 15-20 م/س جەتەدى، بۇرشاق جاۋۋى ىقتيمال.
قوستاناي وبلىسىندا نايزاعاي جارقىلداپ، جەل تۇندە كەي جەرلەرىندە 15-20 م/س، كۇندىز 15-20، ەكپىنى 23 م/س كۇشەيەدى.
سولتۇستىك قازاقستان، قاراعاندى وبلىستارىنىڭ كەي جەرلەرىندە نايزاعاي، داۋىل كۇتىلەدى، جەل تۇرادى، جىلدامدىعى 15-20 م/س، كۇندىز قاراعاندى وبلىسىنىڭ كەي جەرلەرىندە بۇرشاق جاۋۋى مۇمكىن. قىزىلوردا وبلىسىنىڭ كەي جەرلەرىندە نايزاعاي، داۋىل، شاڭدى داۋىل كۇتىلەدى، تۇندە كەي جەرلەردە جەل 15-20 م/س، كۇندىز 15-20، كەي جەرلەردە 25 م/س كۇشەيەدى.
تۇركىستان وبلىسىنىڭ كەي جەرلەرىندە شاڭدى داۋىل، جەل 15-20، كۇندىز ەكپىنى 23 م/س جەتەدى، تاڭەرتەڭ جانە كۇندىز كەي جەرلەردە نايزاعاي ، داۋىل تۇرۋى ىقتيمال. اتىراۋ، اقتوبە وبلىستارىنىڭ كەي جەرلەرىندە نايزاعاي جارقىلدايدى، جەل 15-20 م/س كۇشەيەدى. جامبىل وبلىسىنىڭ كەي جەرلەرىندە جەلدىڭ جىلدامدىعى 15-20 م/س جەتەدى. شىعىس قازاقستان وبلىسىندا تۇندە جانە تاڭەرتەڭ كەي جەرلەردە تۇمان تۇسەدى.
كۇندىز الماتى، جامبىل وبلىستارىندا، قاراعاندى وبلىسىنىڭ كەي جەرلەرىندە قاتتى ىستىق كۇتىلەدى.
قىزىلوردا، تۇركىستان، جامبىل، اقتوبە، الماتى وبلىستارىندا، اتىراۋ، قاراعاندى، شىعىس قازاقستان، قوستاناي، اقمولا وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.