قانات يسلام ءبىرىنشى ورتا سالماقتاعى الەمدىك رەيتينگتە 29- ورىنعا جوعارىلادى
قانات 24- جەڭىسىنە دەيىن boxrec.com پورتالىنىڭ الەمدىك رەيتينگىندە 55 ۇپايمەن 55-ورىندا تۇرعان بولاتىن. ال مەكسيكالىق نوربەرتو گونسالەس (23-8,13 كو) 59 ۇپايمەن 46 ورىندا بولعان. جاڭارتىلعان رەيتينگتە وتانداسىمىز ءبىرىنشى ورتا سالماقتا جۇدىرىقتاساتىن 1804 بوكسشىنىڭ ىشىنەن 82 ۇپايمەن 26- ورىننان كورىندى.
جەڭىلىس تاپقان گونسالەس 47 ساتىعا قۇلدىراپ، 91- ورىنعا سىرعىدى.
ايتا كەتەيىك، ءبىرىنشى ورتا سالماقتا WBO نۇسقاسى بويىنشا الەم چەمپيونى ساۋل الۆارەس بۇل سالماقتىڭ الەمدىك رەيتينگىندە كوش باستاپ تۇر، ونىڭ ەنشىسىندە 1358 ۇپاي بار. WBA (Super) نۇسقاسى بويىنشا الەم چەمپيونى لارا ەريسلاندي ەكىنشى ورىندا.
ەسكە سالا كەتەيىك، قانات يسلام 27- مامىر كۇنى ا ق ش- تىڭ فلوريدا قالاسىندا وتكەن كەزەكتى جەكپە-جەگىندە نوربەرتو گونسالەسپەن 12 راۋند بويى جۇدىرىقتاسىپ، ۇپاي سانىمەن جەڭىسكە جەتتى. وتانداسىمىز 12 راۋند بويى ارالىق ۇزىلىستە وتىرىپ دەمالماي، الداعى ۇلكەن جەكپە-جەككە دايىن ەكەنىن كورسەتتى.
اۆتور: مۇحتار قاليموللا ۇلى