قازاقستاندا 29 - تامىزدا ۇنسىزدىك مينۋتى وتەدى
بۇل جونىندە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر س ءى م حالىقارالىق اقپارات كوميتەتىنىڭ ءتوراعاسى رومان ۆاسيلەنكو مالىمدەدى, دەپ حابارلايدى BNews.kz ءتىلشىسى.
«حالىقارالىق يادرولىق سىناقتارمەن كۇرەس كۇنى اياسىندا يادرولىق قارۋ سىناقتارىنىڭ قۇرباندارىن ەسكە الۋ قۇرمەتىنە اتوم جوباسىنىڭ باستاماسىمەن 29 - تامىزدا الەم بويىنشا ۇنسىزدىك مينۋتى ۇيىمداستىرىلادى. ۇنسىزدىك مينۋتى ءار ەلدىڭ ءوز جەرگىلىكتى ۋاقىتى بويىنعا ساعات 11:05 تە وتەدى. وسى ۋاقىتتا ساعات ءتىلى اعىلشىن تىلىندەگى «victory» ءسوزىن، ياعني «جەڭىس» ۇعىمىن بىلدىرەتىن «V» بەلگىسىن كورسەتەتىندىكتەن ءدال وسى ۋاقىت تاڭداپ الىندى. بۇل بەلگى ۇرەيدى جەڭۋ جانە «الەم يادرولىق قارۋعا قارسى» سوعىسىنداعى جەڭىستى بىلدىرەدى دەپ ۇمىتتەنەمىز. قازاقستاندا ءدال وسى ۋاقىتتا اتالعان اكتسيا «الاۋ» سپورت سارايىنىڭ جانىندا وتەدى» ، - دەيدى ول.
ر. ۆاسيلەنكو ءمالىم ەتكەندەي، شاراعا اتوم جوباسىنىڭ وكىلدەرى, مەكتەپ وقۋشىلارى، ستۋدەنتتەر، سپورتشىلار، قازاقستان دزيۋدو فەدەراتسياسىنىڭ دزيۋدوشىلارى قاتىسىپ، يادرولىق جارىلىس قۇرباندارىنىڭ قۇرمەتىنە اسپانعا اق كوگەرشىندەر مەن ۇرمەلى اق شارلاردى ۇشىرادى.
