ءۇش وبلىستا ءورت قاۋپى ساقتالادى - 28-ءساۋىر كۇنگى اۋا رايى بولجامى

نۇر-سۇلتان. قازاقپارات - 28-ءساۋىر كۇنى رەسپۋبليكا اۋماعىنىڭ باسىم بولىگىندە اشىق، جاۋىن- شاشىنسىز اۋا رايى ساقتالادى.
None
None

ەلىمىزدىڭ تەك باتىس جارتىسىندا، قيىر سولتۇستىگىندە، وڭتۇستىك- شىعىسىندا جاڭبىر جاۋادى. الماتى وبلىسىنىڭ تاۋلى اۋداندارىندا جاڭبىر مەن قار تۇرىندە جاۋىن- شاشىن كۇتىلەدى. بارلىق وڭىردە ەكپىندى جەل تۇرادى، وڭتۇستىكتە ونىمەن بىرگە شاڭدى داۋىل بولادى. قازاقپارات بۇل تۋرالى قازگيدرومەتكە سىلتەمە جاساپ حابارلايدى.

اتاپ ايتقاندا، تۇركىستان وبلىسىنىڭ سولتۇستىگىندە، باتىسىندا، تاۋلى اۋداندارىندا كۇندىز جەلدىڭ ەكپىنى 25 م/س كۇشەيەدى. ءوڭىردىڭ سولتۇستىگىندە، باتىسىندا شاڭدى داۋىل تۇرادى.

جامبىل وبلىسىنىڭ وڭتۇستىك- باتىسىندا، سولتۇستىك- شىعىسىندا، تاۋلى اۋداندارىندا جەلدىڭ كۇشى 23-28 م/س ارتاتىنى بولجانادى.

تۇندە سولتۇستىك قازاقستان وبلىسىنىڭ باتىستا، كۇندىز باسىم بولىگىندە جەلدىڭ جىلدامدىعى 23-28 م/س كۇشەيەدى.

تاڭەرتەڭ جانە كۇندىز قىزىلوردا وبلىسىنىڭ ورتالىعىندا، شىعىسىندا جەلدىڭ ەكپىنى 23 م/س ارتادى. كۇندىز ءوڭىردىڭ ورتالىعىندا شاڭدى داۋىل كۇتىلەدى.

الماتى وبلىسىنىڭ سولتۇستىك- شىعىسىندا جەلدىڭ كۇشى 25 م/س جەتەدى. كۇندىز باتىس قازاقستان وبلىسىنىڭ شىعىسىندا جەلدىڭ ەكپىنى 15-20 م/س ارتادى. تۇندە قوستاناي وبلىسىنىڭ باتىسىندا، سولتۇستىگىندە، كۇندىز وبلىستىڭ باسىم بولىگىندە جەلدىڭ ەكپىنى 23 م/س كۇشەيۋى ىقتيمال. تۇندە جانە تاڭەرتەڭ اتىراۋ وبلىسىنىڭ باتىسىندا تۇمان كۇتىلەدى.

سونداي-اق باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت قاۋپى بولجانادى.

سوڭعى جاڭالىقتار