نايزعاي، بۇرشاق: 28-مامىر كۇنگى اۋا رايى بولجامى
رەسپۋبليكانىڭ قالعان تەرريتورياسىندا اتموسفەرالىق فرونتالدى بولىكتەردىڭ وتۋىمەن قۇبىلمالى كۇن رايى بولجانادى، كەي جەرلەردە نايزاعاي، جاڭبىر، بۇرشاق بولادى. سونداي- اق جەكەلەگەن وڭىردە جەل كۇشەيىپ، داۋىل تۇرادى، دەپ حابارلايدى قازاقپارات.
«قازگيدرومەت» ر م ك بولجامىنشا، شىعىس قازاقستان وبلىسىنىڭ كەي جەرلەرىندە 15-20 م/س جەل تۇرىپ، ەكپىنى 25 م/س جەتۋى ىقتيمال. سونداي- اق داۋىل، بۇرشاق بولجانادى.
ت ۇركىستان وبلىسىنىڭ كەي جەرلەرىندە داۋىل، شاڭدى داۋىل، 15-20 م/س جىلدامدىقتا جەل كۇتىلەدى.
جامبىل، باتىس قازاقستان وبلىستارىندا كۇندىز كەي جەرلەردە جەل 15-20 م/س كۇشەيەدى، بۇرشاق جاۋۋى ىقتيمال. قاراعاندى، كۇندىز الماتى، اتىراۋ، قوستاناي، اقتوبە وبلىستارىنىڭ كەي جەرلەرىندە جەلدىڭ ەكپىنى 15-20 م/س ارتادى.
ماڭعىستاۋ، تۇندە جانە تاڭەرتەڭ سولتۇستىك قازاقستان وبلىستارىندا تۇمان بولادى. سونىمەن قاتار، كۇندىز قىزىلوردا، اقتوبە، باتىس قازاقستان وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق ساقتالادى.
سينوپتيكتەردىڭ مالىمەتىنشە، قىزىلوردا، اقتوبە، قاراعاندى، پاۆلودار، شىعىس قازاقستان، الماتى وبلىستارىنىڭ كەي جەرلەرىندە، جامبىل، اتىراۋ، باتىس قازاقستان، قوستاناي وبلىستارىنىڭ جەكەلەگەن اۋداندارىندا وتە جوعارى ءورت قاۋپى ساقتالادى.
