قازگيدرومەت: قىركۇيەكتىڭ 28 ءى كۇنگى اۋا رايى بولجامى
كاسىپورىن مالىمەتتەرىنە قاراعاندا، اتموسفەرالىق فرونتالدى بولىكتەر شىعىسقا بەت الا وتىرىپ، سولتۇستىك-باتىسقا، رەسپۋبليكانىڭ سولتۇستىگىنە ىقپال ەتەدى. اتالعان ايماقتاردا جاۋىن جاۋىپ، كۇن كۇركىرەۋى مۇمكىن.
قازاقستاننىڭ وزگە ايماقتارىندا كۇن اشىق. كەي جەرلەردە جەل كۇشەيىپ، وڭتۇستىكتە ونىڭ ارتى شاڭدى داۋىلعا ۇلاسادى. تۇندە جانە كۇندىز ەلدىڭ ءبىرقاتار اۋماقتارىندا تۇمان تۇسەدى.
اقمولا، سولتۇستىك قازاقستان وبلىسىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى، كۇندىز ەلدىڭ باسىم بولىگىندە جەلدىڭ كۇشى سەكۋندىنا 15-20 مەتر بولىپ ەكپىنى، 23-28 مەترگە جەتەدى.
الماتى وبلىسىندا، جالاڭاشكول اۋدانىندا جەلدىڭ جىلدامدىعى 18-23 م/س بولادى.
جامبىل، تۇركىستان، باتىس قازاقستان، قوستاناي، قاراعاندى، كۇندىز پاۆلودار، اقتوبە وبلىستارىنىڭ ءبىرقاتار جەرلەرىندە جەلدىڭ جىلدامدىعى سەكۋندىنا 15-20 مەترگە جەتەدى. پاۆلودار، اقتوبە وبلىستارىندا تۇمان تۇسەدى.
ماڭعىستاۋ، اتىراۋ، شىعىس قازاقستان وبلىستارىنىڭ ءبىرقاتار اۋماقتارىندا دا تۇمان تۇسەدى.
قىزىلوردا وبلىسىنىڭ كەي جەرلەرىندە كۇندىز جىلدامدىعى سەكۋندىنا 15-20 مەتر بولاتىن جەل سوعىپ، ارتى شاڭدى داۋىلعا ۇلاسادى.
تۇركىستان وبلىسىندا جانە جامبىل، قىزىلوردا، اتىراۋ، اقتوبە، قاراعاندى، الماتى وبلىستارىنىڭ كيە جەرلەرىندە ءورت قاۋپى ساقتالادى.
