عاجايىپ وقيعا: مەيىربيكە 28 جىل بۇرىن ءوزى قۇتقارعان ءسابيدىڭ ارىپتەسىنە اينالدى
بۇل تۋرالى شەتەلدىك Daily Mail گازەتى جازدى.
26 اپتادا دۇنيەگە كەلگەن ءسابي اۋرۋحاناعا كەلىپ تۇسكەن كەزدە ۆيلما ينتەنسيۆتى تەراپيا بولىمىندە جۇمىس ىستەيتىن. ول دەنساۋلىعى ءبىر قالىپقا تۇسكەنگە دەيىن، ءسابيدىڭ كۇتىمىمەن اينالىسقان.
قىزىعى دا سول، ارادا 28 جىل وتكەن سوڭ، سول ءسابي ۆيلمانىڭ ارىپتەسىنە اينالىپ شىعا كەلدى.
برەندون سەميناتور! تىزىمنەن جاڭا ارىپتەسىنىڭ تەگىن كورگەن كەزدە ۆيلما ونى تانيتىنىن ءتۇسىندى. العاشقىدا قايدان ەكەنىن ەسكە تۇسىرە المادى. تەك برەندون ءوزى دۇنيەگە كەلگەن ەمحاناعا جۇمىسقا ورنالاسقانىن ايتىپ، قالجىڭداعان كەزدە مەيىربيكە ونى تانىدى.
«مەن برەندوننان اكەسى پوليتسيادا جۇمىس ىستەي مە دەپ سۇرادىم. ول دا ءبىر كەزدەرى وزىنە كۇتىم جاساعان ۆيلما ەسىمدى ايەل تۋرالى بىلەتىنىن ايتتى»، - دەپ ەسكە الادى مەيىربيكە.
برەندون بولسا ءبىر كەزدەرى ءوزىن قۇتقارعان ايەلمەن بىرگە جۇمىس ىستەيتىنىنە شەكسىز قۋانىشتى ەكەنىن جەتكىزدى.
«ماعان قامقور بولعان مەدبيكەمەن بىرگە ەندى مەن دە بالالارعا قارايلاسىپ جاتىرمىن»، - دەيدى ول.
ۆيلما اتالعان ەمحانادا 32 جىل جۇمىس ىستەگەن ەدى.
Stan.kz
