ۋنيۆەرسيادا ويىندارىنىڭ باستالۋىنا 28 كۇن قالدى

استانا. قازاقپارات - الماتى تورىندە وتەتىن بيىلعى جىلدىڭ باستى دودالارىنىڭ ءبىرى XXVIII قىسقى ۋنيۆەرسيادا ويىندارىنىڭ باستالۋىنا 28 كۇن قالدى، دەپ حابارلايدى قازاقپارات ءتىلشىسى.

الماتى قىسقى ۋنيۆەرسياداسىنىڭ باعدارلاماسىنا مانەرلەپ سىرعاناۋ، شورت-ترەك، تاۋ شاڭعىسى، سنوۋبورد، بياتلون، شاڭعىمەن جارىسۋ، شايبالى حوككەي (ايەلدەر مەن ەرلەر اراسىندا)، كەرلينگ، شاڭعىمەن ترامپليننەن سەكىرۋ، شاڭعى قوسسايىسى، كونكيمەن جۇگىرۋ سپورتى، فريستايل سەكىلدى 12 سپورت ءتۇرى ەنگەن.

جارىسقا الەمنىڭ 60 قا جۋىق ەلىنەن كەلەتىن 2 مىڭعا جۋىق سپورتشىعا 3 مىڭعا جۋىق ەرىكتى قىزمەت كورسەتەدى.

ال سايىستاردى الەمنىڭ 80 ەلىندەگى 1 ميلليارد ادام تەلەديدار ارقىلى تاماشالاي الادى. ەستەرىڭىزگە سالا كەتەيىك، الماتى ت م د ەلدەرى اراسىنان قىسقى ۋنيۆەرسيادانى ءبىرىنشى بولىپ وتكىزگەلى وتىر. بۇعان دەيىن، 2013-جىلى رەسەيدىڭ قازان قالاسىندا جازعى ۋنيۆەرسيادا ۇيىمداستىرىلعان بولاتىن.

اۆتور: كۇنسۇلتان وتارباي