27-تامىز. قازاقپارات كۇنتىزبەسى
حالىقارالىق بوكس كۇنى
سپورتتىڭ بۇل تۇرىنە ارنالعان مەرەكە 2018 -جىلى حالىقارالىق بوكس فەدەراتسياسىنىڭ (International Boxing Association, AIBA) باستاماسىمەن بەكىتىلدى. 2018 -جىلدان باستاپ جىل سايىن 22-شىلدەدە اتالىپ وتىلەتىن، ءبىراق 2021 -جىلى حالىقارالىق بوكس فەدەراتسياسىنىڭ پرەزيدەنتى ومار كرەمليەۆتىڭ شەشىمىمەن 27-تامىزعا اۋىستىرىلدى.
بوكس - سپورتشىلار ارنايى قولعاپ كيىپ، جەكپە- جەكتە ءبىر- بىرىنە سوققى بەرەتىن سپورت ءتۇرى. ايقاس بىرنەشە راۋندقا سوزىلادى، ونى رينگتە رەفەري باقىلايدى.
ەستە قالار وقيعالار
1992 -جىلى الماتىدا قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ باستاماسىمەن ازەربايجان، ارمەنيا جانە قازاقستان سىرتقى ىستەر مينيسترلەرىنىڭ قاتىسۋىمەن تاۋلى قاراباق جانجالىن رەتتەۋ بويىنشا ءۇشجاقتى كەلىسسوزدەر باستالدى.
كەلىسسوزدەردىڭ قورىتىندىلارىنا وراي مەموراندۋم قابىلدانىپ، وندا ازەربايجان جانە ارمەنيا تاراپتارى 1992 -جىلعى 1-قىركۇيەكتەن باستاپ اسكەري قيمىلداردى توقتاتۋعا دايىن ەكەنىن ءبىلدىردى. 1992 -جىلى قازاقستان رەسپۋبليكاسى مەن ازەربايجان رەسپۋبليكاسى جانە قازاقستان رەسپۋبليكاسى مەن ارمەنيا رەسپۋبليكاسى اراسىندا ديپلوماتيالىق قارىم- قاتىناس ورنادى.
1999 -جىلى قازاقستان تاريحىندا العاش رەت رەسپۋبليكانىڭ عالىم- زاڭگەرلەر توبى وردەندەرمەن ماراپاتتالدى. ولاردىڭ ىشىندە گ. س. ساپارعاليەۆ، ن. ا. شايكەنوۆ، يۋ. گ. باسين جانە ك. ا. كولپاكوۆ بار.
2001 -جىلى الماتى- بىشكەك تاسجولىنىڭ بويىندا جوڭعارلارمەن بولعان سوعىستاعى قازاق حالقىنىڭ جەڭىسىنە ارنالعان تاريحي ەسكەرتكىشتىڭ اشىلۋ سالتاناتى ءوتتى. وعان ەلباسى ن. نازاربايەۆ قاتىستى.
2001 -جىلى «قازاقستان رەسپۋبليكاسىنىڭ تاۋەلسىزدىگىنە 10 جىل» مەرەيتوي مەدالى بەكىتىلدى. مەدالمەن قازاقستاننىڭ مەملەكەتتىگىن قالىپتاستىرۋعا جانە ونىڭ ەگەمەندىگىن نىعايتۋعا ەلەۋلى ۇلەس قوسقان ازاماتتار جانە شەتەلدىكتەر ماراپاتتالادى.
2007 -جىلى اقتاۋدا سەكسەننەن استام تاريحي قۇندى ەسكەرتكىشتەرى بار 28 تاريحي- ارحەولوگيالىق كەشەن تابىلدى. ەنەوليت جانە قولا داۋىرىندەگى تۇراقتار جانە قولا، تەمىر جانە ورتا عاسىرلارداعى قورىمدار تابىلدى. ولاردىڭ اراسىندا قازاقستان اۋماعىندا مال شارۋاشىلىعىنىڭ تاراعان داۋىرىندەگى قوسقۇدىق-1 جانە قوسقۇدىق-2 تۇراقتارى ورنالاسقان. ارحەولوگيالىق قازبالار كەزىندە باسقۇدىق-1 ءدىني- قابىرلەۋ ورنىنىڭ قالدىقتارى تابىلدى. قالدىقتاردى تازالاۋ كەزىندە 11-12 -عاسىرعا جاتاتىن قىپشاق بوزبالاسىنىڭ قورىمى، 12-13-عاسىرعا جاتاتىن مۇسىلمانداردىڭ قورىمى تابىلدى.
2010 -جىلى ءبىر توپ ادام ابلاكەت تاۋىنا شىعىپ، شىڭعا ەلىمىزدىڭ مەملەكەتتىك تۋىن تىكتى. تەڭىز دەڭگەيىنەن 522 مەتر بيىكتەگى تۋدىڭ الدىندا ۇلكەن ارىپتەرمەن «قازاقستان» دەپ جازىلدى.
2012 -جىلى قاراعاندى وبلىسىنىڭ كىشى ساران كەنتىندە شەشەن رەسپۋبليكاسىنىڭ تۇڭعىش پرەزيدەنتى، رەسەي قاھارمانى احماد قاجى قادىروۆقا ەسكەرتكىش بەلگىسى قويىلدى. ەسكەرتكىش تاقتاعا ا. قادىروۆتىڭ اتى، تۋعان جىلى جانە «حالىقتى ءسۇيۋ - قۇدايدان قورقۋ» دەگەن ءسوزى جازىلعان. ەسكەرتكىش بەلگىنى جەرگىلىكتى شەشەن- ينگۋش دياسپوراسى قارجىلاندىردى. قازاق جەرىندە تۋعان ا. قادىروۆ ەكى حالىقتىڭ دوستىعىنا، باۋىرلاستىعىنا كوپ ءمان بەرگەن ەدى.
2013 -جىلى ۇلتتىق ۆاليۋتانىڭ ەنگىزىلۋىنە 20 -جىل تولۋىنا وراي ق ر ۇلتتىق بانكى نومينالى 500 تەڭگەلىك ەستەلىك مونەتانى اينالىمعا شىعاردى. مونەتا 925 سىنامالى كۇمىستەن جاسالدى، نومينالى 500 تەڭگە، سالماعى -31,1 گرامم، ديامەترى -38,61 مم، دايىنداۋ ساپاسى - «proof»، تارالىمى - 5 مىڭ دانا.
2015 -جىلى استانادا قازاقستان ۇكىمەتى مەن حالىقارالىق اتوم ەنەرگياسى اگەنتتىگى (ماگاتە) اراسىندا تومەن بايىتىلعان ۋران بانكىن قۇرۋ تۋرالى كەلىسىمگە قول قويىلدى. سالتاناتتى شاراعا بۇۇ قاۋىپسىزدىك كەڭەسىنە مۇشە مەملەكەتتەر - ۇلىبريتانيا، رەسەي، ا ق ش، قىتاي جانە فرانتسيا وكىلدەرى، سونىمەن بىرگە جوبانىڭ دونور- ەلدەرى - ەو، نورۆەگيا، ب ا ءا جانە كۋۆەيت وكىلدەرى قاتىستى.
2015 -جىلى استانانىڭ حالىقارالىق اۋەجايى اۋماعىندا قازاقستان رەسپۋبليكاسى ۇلتتىق ۇلانى جاڭا اۆياتسيا بازاسىنىڭ ىرگەسى قالاندى. نىساندا اەرودروم جانە اكىمشىلىك- شارۋاشىلىق ايماقتار بولادى.
2016 -جىلى سەمەي پوليگونى قاسىرەتىنىڭ ءدۇيىم جۇرتقا جاريا ەتىلمەگەن تۇستارى تۋرالى سىر شەرتەتىن كەڭەس كەزەڭىنىڭ جاسىرىن قۇجاتتارى استاناداعى كورمەگە قويىلدى. ەلوردا تۇرعىندارى العاش رەت لاۆرەنتيي بەريانىڭ يوسيف ستالينگە كەڭەس اتوم بومباسىنىڭ جاسالعانى تۋرالى مالىمدەگەن حاتى، پوليگون تاريحىنداعى اسا قۋاتتى جارىلىس بولعان سۋتەك بومباسىن سىناقتان وتكىزۋ تۋرالى ۇكىمەت حابارلاماسى سياقتى قۇجاتتاردى، سىناق الاڭدارىنىڭ سۋرەتتەرىن العاش رەت كوردى. ونداعان جىل بويى «اسا قۇپيا» گريفىمەن ساقتالعان قۇجاتتار مەن فوتوسۋرەتتەر سەمەي يادرولىق پوليگونى جابىلۋىنىڭ 25 جىلدىعىنا ارنالعان ەكسپەديتسيا بارىسىندا شىعىس قازاقستان وبلىسىنىڭ ارحيۆتەرىنەن الىندى.
2016 -جىلى اقمولا وبلىسىنىڭ بۋراباي كەنتىندە وتكىزىلگەن قايىرىمدىلىق اۋكسيونىندا بوكسشى گەننادي گولوۆكيننىڭ بىلعارى قولعابى سەگىز ميلليون تەڭگەگە، وليمپيادا چەمپيونى دميتريي ءبالانديننىڭ جەيدەسى 1 ميلليون 450 مىڭ تەڭگەگە ساتىلدى. ودان تۇسكەن قاراجات كوكشەتاۋداعى اقمولا وبلىستىق بالالار اۋرۋحاناسىنا قاجەتتى جابدىقتار الۋعا جۇمسالدى.
2017 -جىلى قازاقستاندىق ءانشى ديماش قۇدايبەرگەن بەيجىڭدە وتكەن 2017 Fresh Asia music Festival جاڭا اندەر فەستيۆالىندە «جىلدىڭ ۇزدىك شەتەلدىك شىعارماشىلىق تۇلعاسى» اتالىمىنىڭ جەڭىمپازى اتاندى.
2017 -جىلى حورۆاتيانىڭ كورچۋلا ارالىندا وتكەن «ماركو پولو» كينوفەستيۆالىندە «اناعا اپارار جول» فيلمى باستى «ۇزدىك فيلم» اتالىمىن جەڭىپ الدى. سالتاناتتى شارادا قازاقستاندىق دەلەگاتسياعا ديپلومدار مەن ماراپاتتار تابىستالدى. فەستيۆالعا ازەربايجان، بولگاريا، يندونەزيا، يران، كورەيا، قازاقستان، تۇركيا، ءۇندىستان، حورۆاتيا جانە باسقا ەلدەردىڭ كينەماتوگرافيستەرى قاتىستى. قازاقستان دەلەگاتسياسىنىڭ قۇرامىندا «اناعا اپارار جول» فيلمىندە باستى رولدەردى سومداعان ءادىل احمەتوۆ پەن التىناي نوگەربەك، سونداي- اق ق ر حورۆاتياداعى ەلشىلىگىنىڭ قىزمەتكەرلەرى بولدى.
2019 -جىلى مەملەكەت باسشىسى قاسىم- جومارت توقايەۆتىڭ جارلىعىمەن ق ر پرەزيدەنتىنىڭ جانىنداعى جاستار كادر رەزەرۆى جونىندەگى ۇلتتىق كوميسسيا قۇرىلدى. ىرىكتەۋگە ءار سالانىڭ وكىلدەرى، ءتۇرلى ماماندىق يەلەرى قاتىسا الادى. بۇل كۆازيمەملەكەتتىك سەكتور، جەكە سەكتور، ازاماتتىق قوعام وكىلدەرى بولۋى مۇمكىن. پرەزيدەنتتىك جاستار كادر رەزەرۆىنە ىرىكتەۋگە قاتىسۋشىلارعا قويىلاتىن نەگىزگى تالاپتار - قازاقستان رەسپۋبليكاسىنىڭ ازاماتى بولۋ، جاسى 35 كە دەيىن، جوعارى ءبىلىمنىڭ بولۋى جانە جالپى جۇمىس ءوتىلى كەمىندە 5 جىل.
2019 -جىلى ساۋد ارابياسىندا يسلام ىنتىماقتاستىق ۇيىمىنا (ي ى ۇ) مۇشە ەلدەردىڭ ازىق- تۇلىك قاۋىپسىزدىگىن قامتاماسىز ەتۋگە بايلانىستى ماسەلەلەردى شەشۋ ءۇشىن قۇرىلعان ازىق- تۇلىك قاۋىپسىزدىگى جونىندەگى يسلام ۇيىمى باس اسسامبلەياسىنىڭ سەسسياسى ءوتتى. مۇسىلمان ەلدەرىنىڭ اۋىل شارۋاشىلىعى مينيسترلەرى وسى ۇيىمعا مۇشە مەملەكەتتەردىڭ الدىندا تۇرعان ازىق- تۇلىك قاۋىپسىزدىگىنە بايلانىستى نەگىزگى پروبلەمالاردى تالقىلادى، ءوز ەلىندە بارلىق قولجەتىمدى رەسۋرستاردى جۇمىلدىرۋ ارقىلى ۇزاق مەرزىمدى نەگىزدە ازىق- تۇلىك قاۋىپسىزدىگىن ىلگەرىلەتۋ جانە دامىتۋ ءۇشىن ۇجىمدىق پلاتفورما قۇرۋ بويىنشا ناقتى شارالار قابىلدادى، تاجىريبە الماستى. قازىرگى ۋاقىتتا بۇل ۇيىمعا 33 مۇسىلمان مەملەكەتى مۇشە. شتاب- پاتەرى نۇر- سۇلتان قالاسىندا ورنالاسقان.
2020 -جىلى حالىقارالىق يادرولىق سىناقتارعا قارسى ءىس- قيمىل كۇنىنە وراي ۇيىمداستىرىلعان ب ۇ ۇ باس اسسامبلەياسىنىڭ ارنايى سەسسياسىندا ق ر تۇڭعىش پرەزيدەنتى - ەلباسى نۇرسۇلتان نازاربايەۆ «يادرولىق سىناقتاردان ازات الەم ءۇشىن چەمپيون» حالىقارالىق مارتەبەسىنە يە بولدى.