10:22, 06 - قازان 2018 | GMT +6
وليمپياداعا قاتىساتىن قازاق سپورتشىلارى 27 ساعات ۇشىپ بۋەنوس-ايرەسكە كەلىپ جەتتى
استانا. قازاقپارات - قازاقستان قۇراماسى III جاسوسپىرىمدەر ويىندارىنا قاتىسۋ ءۇشىن ارگەنتينانىڭ بۋەنوس-ايرەس قالاسىنا كەلىپ جەتتى، دەپ حابارلايدى «SPORTINFORM».
ق ر ۇلتتىق وليمپيادا كوميتەتىنىڭ مالىمەتىنشە، سپورتشىلار دىتتەگەن جەرگە جەتۋ ءۇشىن 27 ساعات بويى ۇشقان.
ەلوردادان ارگەنتينانىڭ استاناسىنا دەيىنگى ساپار كەزىندە ولار ىستانبۇل جانە سان-پاۋلۋ قالالارىنا عانا ايالداعان. بۇگىندە سپورتشىلار وليمپيادا قالاشىعىنا جايعاسىپ ۇلگەردى. 6 -قازان كۇنى العاشقى جاتتىعۋلار باستالادى.
ەسكە سالا كەتەيىك، جاسوسپىرىمدەر وليمپياداسىنا قازاقستان اتىنان 58 اتلەت قاتىسىپ جاتىر.