سينوپتيكتەردىڭ 27- قاڭتارعا ارنالعان اۋا رايى بولجامى

رەسپۋبليكانىڭ كەي جەرلەرىندە جەلدىڭ كۇشەيۋى، تۇمان، جاياۋ بۇرقاسىن كۇتىلەدى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، وڭتۇستىك قازاقستان،  قىزىلوردا وبلىستارىنىڭ كەي جەرلەرىندە 18-23 م/س ەكپىنمەن سوعاتىن جەلدىڭ جىلدامدىعى 30 م/س كۇشەيەدى.

جامبىل، ماڭعىستاۋ وبلىستارىنىڭ كەي جەرلەرىندە 15-20 م/س ەكپىندەگى جەل 23 م/س ارتادى، جامبىل وبلىسىنىڭ جەكەلەگەن اۋماقتارىندا جاياۋ بۇرقاسىن، تۇمان بولادى.

قاراعاندى، شىعىس قازاقستان وبلىستارىنىڭ كەي جەرلەرىندە تۇمان، 15-20 م/س ەكپىندەگى جەل بولجانادى.

اتىراۋ، اقتوبە وبلىستارىندا تۇندە 15-20 م/س جىلدامدىقتا جەل سوعادى.

پاۆلودار، تۇندە الماتى وبلىسىنىڭ كەي جەرلەرىندە تۇمان كۇتىلەدى.

جامبىل وبلىسىندا - قاتتى، الماتى وبلىسىندا وتە قاتتى ايازدار ساقتالادى.

وڭتۇستىك قازاقستان وبلىسىنىڭ كەي جەرلەرىندە وتە قاتتى اياز بولجانادى.

سونىمەن قاتار قاتتى ايازدار قاراعاندى، شىعىس قازاقستان،  قىزىلوردا، ماڭعىستاۋ، پاۆلودار وبلىستارىنىڭ كەي جەرلەرىندە كۇتىلەدى.