10:32, 22 - جەلتوقسان 2016 | GMT +5
تالدىقورعان ماڭىنا قۇلاعان سۋ-27 اپاتى جونىندە سوتقا دەيىنگى تەرگەۋ جۇرگىزىلىپ جاتىر
استانا. قازاقپارات - باس اسكەري پروكۋراتۋرا سۋ-27 جويعىشىنىڭ اپاتقا ۇشىراۋ فاكتىسى بويىنشا ق ر قىلمىستىق كودەكسىنىڭ 464-بابىندا كورسەتىلگەن قۇقىق بۇزۋشىلىق بويىنشا (ۇشۋ نەمەسە ۇشۋعا دايىندىق قۇقىقتارىن بۇزۋ) سوتقا دەيىنگى تەرگەۋدى باستادى.
«باس اسكەري پروكۋراتۋرانىڭ ارنايى پروكۋرورى س. ا. سىرلىبايەۆتىڭ جەتەكشىلىگىمەن تالدىقورعان گارنيزونىنىڭ اسكەري پوليتسيا ءبولىمىنىڭ جانە ق ر ءى ءى م وڭتۇستىك ايماقتىق اسكەري- تەرگەۋ باسقارماسىنىڭ قىزمەتكەرلەرىنەن جەدەل- تەرگەۋ توبى قۇرىلدى»، - دەلىنگەن حابارلامادا.
قازىرگى ۋاقىتتا وقيعا سەبەپتەرىن انىقتاۋعا باعىتتالعان تەرگەۋ شارالارى جۇرگىزىلىپ جاتىر. سوتقا دەيىنگى تەرگەۋ ناتيجەسى مەن قابىلدانعان پروتسەسسۋالدىق شەشىم تۋرالى تولىعىراق حابارلانادى. ەسكە سالا كەتسەك، 21 -جەلتوقساندا تالدىقورعان ماڭىندا تۇنگى جاعدايدا وقۋ ۇشۋىن ورىنداۋ كەزىندە اۆياتسيالىق قاقتىعىستىڭ سالدارىنان ق ر قورعانىس مينيسترلىگى 21751 اسكەري ءبولىمىنىڭ سۋ-27 ۇشاعى اپاتقا ۇشىرادى.
