مەكسيكا بازارىندا قۋاتتى جارىلىس بولدى: 27 ادام اجال قۇشتى
La Jornada گازەتىنىڭ ەلەكتروندى نۇسقاسى ازاماتتىق قورعانىس كۇشتەرىنە سىلتەمە جاساپ حابارلاۋىنشا، وقيعا كوپتەگەن پيروتەحنيكالىق (وتشاشۋلار) شەبەرحانالار ورنالاسقان مەحيكو شتاتى تۋلتەپەك مۋنيتسيپاليتەتىندە ورىن الدى. فەدەرالدى پوليتسيا قىزمەتى بۇعان دەيىن وقيعا ورنىندا كەم دەگەندە 9 ادام مەرت بولىپ، 70 ى زارداپ شەككەندىگى تۋرالى ايتقان ەدى. مەكسيكا پرەزيدەنتى ەنريكە پەنيا نەتو مارقۇمداردىڭ وتباسىلارىنا كوڭىل ايتىپ، جاراقاتتانعان ادامدارعا تەزىرەك ساۋىعىپ كەتۋدى تىلەدى. سونداي-اق فەدەرالدى ۇكىمەت جارىلىس بارىسىندا زارداپ شەككەندەرگە كومەك كورسەتەتىنىن ايتتى. وقيعانىڭ ورىن الۋ سەبەپتەرى ازىرگە بەلگىسىز. جارىلىس ورنىندا ونداعان دارىگەر، قۇتقارۋشىلار مەن ءورت سوندىرۋشىلەر جۇمىس ىستەۋدە. تۋلتەپەك مەحيكو شتاتىنداعى پيروتەحنيكا شىعاراتىن باستى ورتالىق بولىپ سانالادى. اعىمداعى جىلدىڭ قازان ايىندا وسى اۋدانداعى شەبەرحانالاردىڭ بىرىندە بولعان جارىلىس سالدارىنان ءبىر ادام اجال قۇشىپ، تاعى ەكەۋى زارداپ شەككەن بولاتىن. ءساۋىر مەن ناۋرىز ايلارىندا بولعان وسىنداي وقيعالاردان كەيىن كەم دەگەندە بەس ادام كوز جۇمىپ، تاعى بىرنەشەۋى، سونىڭ ىشىندە بالالار جاراقاتتانعان ەدى.
