بوكس: بەكمان سويلىبايەۆتىڭ 27 -تامىزدا وتەتىن جەكپە-جەكتەگى قارسىلاسى بەلگىلى بولدى

استانا. قازاقپارات - قازاقستاندىق جاس بوكسشى بەكمان سويلىبايەۆ ءوزىنىڭ كەزەكتى جەكپە- جەگىن بەيسەنبى، 27 -تامىزدا وتكىزەدى.
None
None

ايقاس OrangeCounty ويىن-ساۋىق ورتالىعىندا وتەدى، دەپ حابارلادى Diamondring.kz.

بەكماننىڭ التىنشى جەكپە-جەگىندە ونىڭ قارسىلاسى حوسە لۋيس ارايزا (Jose Luis Araiza) بولماق.

مانسابىن 1998 -جىلى باستاعان 36 جاستاعى مەكيسكالىق بوكسشى 25 جاستاعى بەكمان سويلىبايەۆ ءۇشىن وسى كەزەڭدەگى ەڭ تاجىريبەلى بوكسشى سانالادى. مەكسيكالىقتىڭ قانجىعاسىندا 45 ايقاس بار، ونىڭ 31 ى جەڭىسپەن، 22 سىن مەرزىمىنەن بۇرىن اياقتاسا، 13-ىندە جەڭىلىسكە ۇشىراعان، ءبىر ايقاستى تەڭ ويىنمەن اياقتاعان.

«ءوزىمنىڭ كاسىبي تۇرعىدان جەتىلىپ كەلە جاتقانىمدى سەزىنەمىن، سونى الداعى ۋاقىتتا كورسەتكىم كەلەدى، كەلەسى ايقاستى تاعاتسىزدانا كۇتىپ ءجۇرمىن...»، - دەپ ويىمەن ءبولىستى بەكمان.

جەكپە-جەك 27 -تامىزدا كاليفورنيادا وتەدى. ۋاقىت ايىرماشىلىعىنا بايلانىستى قازاقستاندىق جانكۇيەرلەر شارشى الاڭداعى جۇدىرىقتاسۋدى 28 -تامىزدا تاماشالايتىن بولادى.

ەسكە سالا كەتەيىك، ب. سويلىبايەۆ كاليفورنيا شتاتىنداعى چينو قالاسىندا 2 -تامىزدا وتكەن جەكپە-جەكتە مەكسيكالىق سەرحيو ناحەردى كەزدەسۋدىڭ نەبارى 38- سەكۋندىندا-اق سۇلاتقان بولاتىن.

سوڭعى جاڭالىقتار