استانادا كوممۋنالدىق تۇرعىن ءۇي قورىنان 277 پاتەر بەرىلدى
استانا. قازاقپارات - استانادا تۇرعىن ءۇي كوميسسياسىنىڭ شەشىمىمەن 227 پاتەر ۇلەستىرىلدى، سونىڭ ىشىندە 200 ءبىر بولمەلى، 1 ەكى بولمەلى جانە 26 ءۇش بولمەلى پاتەر،
دەپ حابارلادى قالالىق اكىمدىكتىڭ باسپا ءسوز قىزمەتىنەن.
ەلوردا اكىمدىگى تۇرعىن ۇيگە مۇقتاجدىلار رەتىندە ەسەپكە الىنعان ازاماتتاردى كەزەك بويىنشا بىرنەشە ساناتقا ءبولدى: ۇلى وتان سوعىسىنىڭ مۇگەدەكتەرى مەن قاتىسۋشىلارى؛ جەتىم، اتا- اناسىنىڭ قامقورلىعىنسىز قالعان بالالار؛ حالىقتىڭ الەۋمەتتىك وسال توپتارى؛ مەملەكەتتىك قىزمەتكەرلەر، بيۋدجەتتىك ۇيىم قىزمەتكەرلەرى، اسكەري قىزمەتكەرلەر؛ قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپتە جالعىز باسپاناسى اپاتتى بولىپ تانىلعان ازاماتتار.
قازاقستان رەسپۋبليكاسىنىڭ قولدانىستاعى تۇرعىن ءۇي زاڭناماسىنا سايكەس مەملەكەتتىك تۇرعىن ءۇي قورىنان بەرىلەتىن باسپانانىڭ اۋدانى پايدالى اۋداندى جان باسىنا ەسەپتەگەندە كەم دەگەندە 15 شارشى م. بولادى جانە 18 شارشى م. اسپايدى. سونىمەن قاتار، تۇرعىن ءۇي بەرۋ كەزىندە جىنىسى ءار ءتۇرلى تۇلعالاردى (ەرلى- زايىپتىلاردان باسقا) ءبىر بولمەگە ورنالاستىرۋعا جول بەرىلمەيدى. سوندىقتان ءاربىر جەكە وتباسىعا جەكە پاتەر ءتيپى تاڭدالادى. ءتيىستى پاتەر ءتيپى بولماعان جاعدايدا، تۇرعىن ءۇي كوممۋنالدىق قورىندا پاتەرلەر ءتيپى بار كەزەك بويىنشا تۇرعان كەلەسى ازاماتتار قارالادى.
ايتا كەتەيىك، كەزەگى جاقىنداپ قالعان وتباسىنىڭ قۇرامى بويىنشا ەكى جانە ءۇش بولمەلى پاتەر الۋعا ۇمىتكەرلەر قالالىق كوممۋنالدىق قوردا اتالعان پاتەرلەردىڭ بولۋىنا قاراي باسپانامەن قامتاماسىز ەتىلەتىن بولادى.
