قىرعىزستانداعى جەر سىلكىنىسىنەن 270 ءۇي مەن الەۋمەتتىك نىسان بۇلىنگەن - فوتو

استانا. قازاقپارات - قىرعىزستاننىڭ ت ج م باسپا ءسوز قىزمەتىنەن 2017 -جىلدىڭ 3 -مامىرىندا قىرعىزستاندا بولعان قۋاتتى جەر سىلكىنىسى سالدارىنان 66 تۇرعىن ءۇي مەن الەۋمەتتىك ماڭىزى بار ءتورت نىسان قيراپ، اپات جاعدايىندا تۇر.

تاعى 200 دەن اسا ءۇيدىڭ قابىرعالارى جارىلعان، - دەپ حابارلايدى قىرعىز رەسپۋبليكاسىنىڭ توتەنشە جاعدايلار مينيسترلىگى.

قۇتقارۋشىلار تاۋلى ايماقتاردا ورنالاسقان بەس اۋىلداعى جالپى ءۇش جۇزدەي ءۇيدى قاراپ شىققان. جەراستى دۇمپۋلەرىنىڭ ەپيسەنترى تاجىكستان اۋماعىندا بولعان. ونىڭ قۋاتى 7 بالل بولدى، ال قىرعىزستاندا 4-5 بالل دۇمپۋلەر سەزىلگەن.



ەلدىڭ توتەنشە جاعدايلار مينيسترلىگى جانە جەرگىلىكتى بيلىك ورگاندارىنىڭ قىزمەتكەرلەرى قاتارىنان قۇرىلعان ارنايى كوميسسيا تۇرعىن ۇيلەر مەن الەۋمەتتىك نىسانداردى ارالاپ ءجۇر.

تۇرعىنداردىڭ ءبىرازى قاۋىپسىز جەرگە كوشىرىلدى. ءقازىر وتەماقى تولەۋ ماسەلەسى قاراستىرىلىپ جاتىر. «ءبىزدىڭ وكىلدەر مەن اكىمدىك قىزمەتكەرلەرى قازىر باسپانا قورىن زەرتتەپ، شىعىن كولەمىن انىقتاۋى كەرەك. جەرگىلىكتى بيلىك ورگاندارى جەر سىلكىنىسىنەن ۇيلەرى قيراعان وتباسىلارعا وتەماقى بەرۋ ماسەلەسىن شەشەدى. ال ءبىزدىڭ قىزمەتكەرلەر ادامداردى ءقاۋىپتى جەرلەردەن ماجبۇرلەپ كوشىرۋ تۋرالى ۇيعارىم شىعارادى. مۇنى بۇگىن- ەرتەڭ اياقتايمىز دەگەن ويدامىن»، - دەيدى قىرعىزستان ت ج م- نىڭ باسپا ءسوز حاتشىسى ەلميرا شەريپوۆا.

ازىرشە زارداپ شەككەن وتباسىلارعا ۋاقىتشا باسپانا رەتىندە پالاتكالار ورناتىلدى. جالپىلاي بەس ورىندىق 100 پالاتكا ءبولىندى.

 

Tengrinews.kz