قازاقستاندا 26- تامىزدا وتەتىن ماڭىزدى وقيعالارعا شولۋ
ساعات 11:00 دە ەلورداداعى ق ر ۇلتتىق كىتاپحاناسىنىڭ كونستيتۋتسيا زالىندا ق ر كونستيتۋتسياسى كۇنىنە ارنالعان «پرەزيدەنت - قازاقستان رەسپۋبليكاسى كونستيتۋتسياسى تۇراقتىلىعىنىڭ نىشانى ءارى كەپىلى» تاقىرىبىندا حالىقارالىق دوڭگەلەك ۇستەل وتىرىسى وتەدى.
سونىمەن قاتار ەلورداداعى ق ر سىرتقى ىستەر مينيسترلىگىنىڭ عيماراتىندا، ساعات 11:00 دە «قازاقستان شەتەلدىك ب ا ق كوزىمەن» بايقاۋى جەڭىمپازدارىن ماراپاتتاۋ ءراسىمى وتەدى.
ءىس-شارانى ق ر سىرتقى ىستەر مينيسترلىگى ەلىمىزدىڭ تاۋەلسىزدىگىنىڭ 30 جىلدىق مەرەيتويىنا وراي قازاقستان باس رەداكتورلار كلۋبىمەن بىرگە ۇيىمداستىرعان بولاتىن.
ءدال وسى ۋاقىتتا «قازاقپارات» حالىقارالىق اقپارات اگەنتتىگىنىڭ الاڭىندا ق ر باسەكەلەستىك قورعاۋ جانە دامىتۋ اگەنتتىگى ساتىپ الۋلارداعى باسەكەلەستىك تاقىرىبىندا open Space وتكىزەدى. ونى قازاقپاراتتىڭ https://www.youtube.com/watch؟ v=ADz-_HhrrWk Youtube-ارناسىنان كورە الاسىزدار.
ال ساعات 12:00 دە «انتيكونترافاكت» IX حالىقارالىق فورۋمى ۇيىمداستىرىلادى. ءىس-شارا ونەركىسىپتىڭ ونىمدەردىڭ زاڭسىز اينالىمىنا، كونترافاكتىلىك جانە جالعان تاۋارلاردىڭ تارالۋىنا بايلانىستى پروبلەماعا ارنالعان.
ءىس-شارا ەلوردانىڭ ماڭگىلىك ەل داڭعىلى بويىنداعى 57A ۇيدە ورنالاسقان ۇلتتىق زياتكەرلىك مەنشىك ينستيتۋتىندا وتەدى. سونداي-اق ساعات 12:30 دا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە «2021-جىلعى كۇزگى اسكەرگە شاقىرۋ ناۋقانىن ۇيىمداستىرۋ تۋرالى» تاقىرىبىندا باسپا ءسوز ءماسليحاتى بولادى.
ءىس-شارا بارىسىندا ق ر ق ك ب ش ۇيىمداستىرۋ جۇمىلدىرۋ جۇمىستار دەپارتامەنتىنىڭ باستىعى ساكەن ءجۇسىپوۆ، ق ر ق ك ب ش ۇيىمداستىرۋ جۇمىلدىرۋ جۇمىستار دەپارتامەنتىنىڭ باعىت اعا وفيتسەرى رۋسلان تاپاشيەۆ كوپشىلىكتى تولعاندىرعان ساۋالدارعا جاۋاپ بەرەدى.
ساعات 17:00 دە «استانا وپەرا» ساحناسىندا ب ا ق وكىلدەرىنە ارنالعان ءىس-شارا ۇيىمداستىرىلادى.
ول اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ گاسترولىنە ارنالادى.