26-ساۋىردە الەكسەي سوي ءبىرىنشى بولىپ قازاقستاندىق ۆاكسينانى سالدىرادى

بۇل جايىندا دەنساۋلىق ساقتاۋ مينيسترلىگىنىڭ باسپا ءسوز قىزمەتى مالىمەت تاراتتى.

«26-ساۋىردە قازاقستاندا بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ بازاسىندا شىعارىلعان جانە وڭىرلەر بويىنشا 50 مىڭ دوزا مولشەرىندە بولىنەتىن QazCovid-in قازاقستاندىق ۆاكسيناسىمەن ۆاكسيناتسيا باستالادى» دەپ جازدى ۆەدومستۆو Facebook پاراقشاسىندا.

دەنساۋلىق ساقتاۋ ءمينيسترى الەكسەي سوي العاشقىلاردىڭ ءبىرى بولىپ ك ۆ ي- گە وتاندىق QazVac ۆاكسيناسىمەن ەكپە الادى. قازاقستاندىق دەنساۋلىق ساقتاۋ مينيسترلىگى باسشىسىنىڭ ۆاكتسينا جاساتۋ ءراسىمىن ەرتەڭ، 26-ساۋىردە، تاڭعى ساعات 08:45 تە حابار24 تەلەارناسىنىڭ تىكەلەي ەفيرىنەن جانە ۆەدومستۆونىڭ Facebook جەلىسىندەگى رەسمي اككاۋنتىنان كورۋگە بولادى.

ەسكە سالا كەتەيىك، ءبىز بۇعان دەيىن قازاقستاننىڭ ش ق و- دان باسقا بارلىق وڭىرىنە QazVac ۆاكسيناسىنىڭ 50 مىڭ دوزاسى جونەلتىلگەنىن جازعان بولاتىنبىز. ەكپەنىڭ العاشقى پارتياسى 25 مىڭ ادامعا سالىنادى دەپ جوسپارلانعان.