ۇكىمەت اپپاراتىنىڭ 26 قىزمەتكەرىنەن كوروناۆيرۋس تابىلدى
«ساراپتاما قورىتىندىسىندا 26 قىزمەتكەردەن كوروناۆيرۋس ينفەكسياسى تابىلىپ وتىر. وسىدان ەكى كۇن بۇرىن 11 ادامنان ۆيرۋس تابىلعان ەدى. COVID-19 عا قايتا جاسالعان ساراپتاما بارىسىندا تاعى ۆيرۋس 15 قىزمەتكەردەن تابىلدى. ولاردىڭ اراسىندا پرەمەر-ءمينيستردىڭ كەڭەسشىلەرىنىڭ ءبىرى ارتەم نوۆيكوۆ پەن ۇكىمەت باسشىسىنىڭ كومەكشىسى بار. ۇكىمەت اپپاراتىنىڭ جەتكشىسى - مينيستر تاالايبەك تەمىراليەۆ بايلانىستا بولعان ادام رەتىندە قازىرگى ۋاقىتتا وقشاۋلانعان»، - دەلىنگەن تاراتىلعان اقپاراتتا.
سانيتارلىق- ەپيدەميولوگيالىق ءىس-شارالار الگوريتمىنە سايكەس، ولاردىڭ بارلىعى دا ءۇي كارانتينىنە جىبەرىلىپ، ءتيىستى ەم الىپ جاتىر. ولاردىڭ باسىم بولىگىندە اۋرۋ سيمپتومسىز ءوتىپ جاتىر. ۆيرۋس جۇقتىرعاندارمەن بايلانىستا بولعان ادامدار دا انىقتالعان.
قىرعىز رەسپۋبليكاسى ۇكىمەتى اپپاراتى قىزمەتكەرلەرىنىڭ باسىم بولىگى قاشىقتان جۇمىس ىستەۋىن جالعاستىرىپ جاتىر. بۇعان دەيىن قىرعىز پرەزيدەنتى اپپاراتىنىڭ 17 قىزمەتكەرىنەن جانە مەملەكەت باسشىسى اپپاراتىنىڭ جەتەكشىسى دوسالى ەسەناليەۆتەن كوروناۆيرۋس تابىلعانى حابارلانعان بولاتىن.
27-ماۋسىم كۇنى قىرعىزستاندا كوروناۆيرۋس جۇقتىرۋدىڭ 309 جاعدايى تىركەلگەن. بۇگىندە بۇل ەلدە COVID-19 بەن 4513 ادام اۋىردى. ونىڭ ىشىندە 2212 ادام جازىلىپ، اۋرۋحانالاردان شىعارىلسا، قازا تاپقانداردىڭ سانى 46 ادامعا جەتىپ وتىر.
ەستەرىڭىزگە سالا كەتسەك، 24-ماۋسىمدا ماسكەۋدە قىرعىزستان پرەزيدەنتى سوورونباي جەەنبەكوۆتىڭ قاسىندا بىرگە جۇرگەن ەكى ادامنىڭ كوروناۆيرۋسقا تاپسىرعان اناليزى وڭ ناتيجە بەرگەن ەدى. وسىعان بايلانىستى قىرعىزستان پرەزيدەنتى جەڭىستىڭ 75 جىلدىعىنا ارنالعان شاراعا قاتىسۋدان باس تارتقان بولاتىن.