قازاقپارات كۇنتىزبەسى: 26- ماۋسىم
اتاۋلى كۇندەر
ناشاقورلىق جانە ەسىرتكىنىڭ زاڭسىز اينالىمىمەن حالىقارالىق كۇرەس كۇنى
1987-جىلى قابىلدانعان ب ۇ ۇ باس اسسامبلەياسىنىڭ شەشىمى بويىنشا وتكىزىلىپ كەلەدى.
بىرىككەن ۇلتتار ۇيىمىنىڭ ازاپتاۋ قۇرباندارىنا قولداۋ كورسەتۋدىڭ حالىقارالىق كۇنى 1997-جىلعى 26- ماۋسىمدا ازاپتاۋ جانە باسقا دا ادامشىلىققا جات جازالاۋ تۇرلەرىنە قارسى كونۆەنتسيا كۇشىنە ەندى.
ەستە قالار وقيعالار
1929-جىلى الماتى زووۆەتەرينارلىق ينستيتۋتى مەن قازاق اۋىلشارۋاشىلىق ينستيتۋتتارىنىڭ بازاسىندا قازاق ۇلتتىق اگرارلىق ۋنيۆەرسيتەتى (قاز ۇ ا ۋ) قۇرىلدى.
1992-جىلى «قازاقستان رەسپۋبليكاسىنىڭ حالىقارالىق قارجى قورىنا، حالىقارالىق قايتا قۇرۋ جانە دامۋ بانكىنە، حالىقارالىق قارجى كورپوراتسياسىنا جانە حالىقارالىق دامۋ اسسوتسياتسياسىنا مۇشەلىگى تۋرالى» زاڭ قابىلداندى.
1996-جىلى تەگەراندا يران راديوسىنىڭ قازاق رەداكتسياسى رەسمي تۇردە جۇمىس ىستەي باستادى.
2010-جىلى «قازاقستاننىڭ مەملەكەتتىك ناگرادالارى» سەرياسىمەن «قۇرمەت» وردەنىنىڭ بەلگىسى» ەستەلىك مونەتاسى اينالىمعا ەنگىزىلدى.
2011-جىلى قازاقستان استاناسىندا جۋرناليستەر اللەياسى اشىلدى. ول بەيبىتشىلىك جانە كەلىسىم سارايى جانىنداعى ساياباقتا ورنالاسقان.
2013-جىلى «euronews» بەلدى اقپارات ارناسى ءوزىنىڭ «Le mag» تەلەجۋرنالىندا «استانا وپەرا» مەملەكەتتىك وپەرا جانە بالەت تەاترىنىڭ اشىلۋى جانە وندا «ءبىرجان-سارا» وپەراسىنىڭ تۇساۋكەسەرى وتكەندىگى تۋرالى سيۋجەت كورسەتتى.
وندا «استانا وپەرا» تەاترى قازىردىڭ وزىندە الەمنىڭ ەڭ ۇزدىك ونەر وردالارىمەن - La Scala، San Carlo جانە ۇلكەن تەاترمەن سالىستىرىلىپ وتىر»، - دەلىنگەن.
2013-جىلى باكۋدە الەمنىڭ 44 ەلىنەن 500 دەن استام دەلەگات العاشقى تۇركىتىلدەس دياسپورا وكىلدەرى فورۋمىنا قاتىستى.
2015-جىلى ەلوردالىق «داۋلەت» سپورت كەشەنىندە بەلگىلى اكتەر ستيۆەن سيگال قالا كۇنىنە ارنالعان 1- حالىقارالىق جاۋىنگەرلىك ونەر فەستيۆالىن اشتى.
2017-جىلى دونورلىق اعزالارمەن ءومىر ءسۇرىپ جاتقان قازاقستاندىق سپورتشىلار يسپانيانىڭ مالاگا قالاسىندا وتكەن XXI دۇنيەجۇزىلىك سپورتتىق ترانسپلانتتاۋ ويىندارىنىڭ اشىلۋىنا قاتىستى. وندا ەل قۇراماسىنان قازاقستاندا جۇرەگىن اۋىستىرعان العاشقى پاتسيەنت جانىبەك وسپانوۆ ەرەكشە كوزگە ءتۇستى.
2017-جىلى سەۋلدەگى قازاقستان ەلشىلىگى جەر بەتىندەگى بەيبىتشىلىكتى ساقتاۋعا بەلسەندى قاتىسقانى ءۇشىن ماراپاتتالدى. ماراپاتتاۋ ءراسىمى وڭتۇستىك كورەيا پارلامەنتىنىڭ عيماراتىندا ءوتتى.
2018-جىلى قازاقستاندا العاش رەت Qazaq Cybersport Federation كيبەرسپورت فەدەراتسياسى اككرەديتتەۋدەن ءوتتى. ەندى فەدەراتسيا حالىقارالاق الاڭداردا ەل نامىسىن قورعاي الادى.
2019-جىلى ق ر پرەزيدەنتى قاسىم-جومارت توقايەۆ «قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ شارالارى تۋرالى» جارلىققا قول قويدى.
پرەزيدەنت ۇكىمەتكە جانە ۇلتتىق بانككە تەڭدەسسىز شارالاردى قابىلداۋدى - الەۋمەتتىك ءالجۋاز توپقا جاتاتىن تۇرعىنداردىڭ كەپىلسىز تۇتىنۋشىلىق نەسيەلەرى بويىنشا قارىزدارىن ەسەپتەن شىعارۋدى تاپسىردى.
قالعان قازاقستاندىقتارعا — نەسيە بورىشى بويىنشا ءوسىمپۇلدار مەن ايىپپۇلداردى كەشىرۋدى جۇكتەدى. شارانىڭ ماقساتى — ومىرلىك قيىن جاعدايدا قالعان قازاقستاندىقتارعا كومەكتەسۋ، ولارعا ءوز وتباسىلارىنىڭ قارجىلىق جاعدايلارىن جاقسارتۋعا مۇمكىندىك بەرۋ.