اتا-انالارعا بالا تۋعان ساتتەن باستاپ 26 جاسقا دەيىن جاردەماقى بەرىلەدى
بۇل جايىندا اتالعان ەلدىڭ وتباسى جونىندەگى ءمينيسترى لورەنسو فونتانا ءمالىم ەتتى.
بۇل تۋرالى شىلدە ايىنىڭ 5-ىندە حابار ەتىلدى. يتاليا بيلىگىنىڭ مۇنداي قادامعا بارۋىنا ەلدەگى دەموگرافيالىق جاعدايدىڭ تىم ناشارلاپ كەتكەنى سەبەپ بولىپ وتىر. وسى جىلدىڭ شىلدە ايىنداعى ستاتيستيكالىق مالىمەتكە قاراعاندا، يتالياداعى تۋۋ كورسەتكىشى 1861 -جىلدان بەرى ەڭ تومەنگى دەڭگەيگە جەتكەن. يتاليا بۇگىنگى تاڭدا قارىزعا بەلشەسىنەن باتقان ەۋروپالىق وداق قۇرامىنداعى ەل.
وسىعان بايلانىستى ە و يتالياعا قارىزدى قايتارۋعا قاتىستى قاتاڭ تالاپتار قويىپ وتىر. ويتپەگەن جاعدايدا سانكسيا سالاتىنىن دە ەسكەرتكەن. سوعان قاراماستان ەل بيۋدجەتىنەن قىرۋار قارجى شىعىنداۋىنا تۋرا كەلىپ وتىر. دەموگرافيالىق اپاتتىڭ الدىن الۋ ءۇشىن. ە و قاس-قاباعىنان قايمىقپاي.
بۇدان بولەك، يتاليا باتىس ەلدەرى قىرىن قاراپ وتىرعان، قىتايلاردىڭ ەكسپانسياسى رەتىندە قابىلدايتىن «ءبىر بەلدەۋ - ءبىر جول» جاھاندىق جوباسىنا قاتىسۋعا ريزاشىلىعىن بىلدىرگەن ە و قۇرامىنداعى العاشقى ەل.
islam.kz