قازاقستاننىڭ اسكەري- تەڭىز كۇشتەرىنە - 26 جىل
بۇل تۋرالى قازاقپارات ق ر قورعانىس مينيسترلىگى باسپا ءسوز قىزمەتىنە سىلتەمە جاساپ حابارلايدى.
تۋرا 26 جىل بۇرىن ق ر پرەزيدەنتىنىڭ جارلىعىمەن 1993 -جىلعى 2 - ساۋىردە قارۋلى كۇشتەردىڭ جەكەلەگەن ءتۇرى - اسكەري- تەڭىز كۇشتەرى قۇرىلدى. كاسپي ءوڭىرى قازاقستاننىڭ ەكونوميكاسى ءۇشىن ماڭىزدى مانگە يە. ونىڭ قورعانىسىن قامتاماسىز ەتۋ ماقساتىندا ەلىمىزدە قازىرگى زامانعى اسكەري- تەڭىز كۇشتەرىن قۇرۋ قاجەتتىلىگى تۋىندادى. كاسپي تەڭىزىنىڭ قازاقستاندىق سەكتورىنداعى مەملەكەتتىك شەكارانىڭ، اۋماقتىق تۇتاستىقتىڭ، تاۋەلسىزدىكتىڭ، ەكونوميكالىق مۇددەلەردىڭ قول سۇعىلماۋىن قورعاۋ - ق ر قارۋلى كۇشتەرى اسكەري- تەڭىز كۇشتەرىنىڭ باستى مىندەتى.
مەملەكەت تاۋەلسىزدىگى جىلدارىندا اسكەري- تەڭىز كۇشتەرى قاجەتتى تاجىريبە جيناقتاپ، مەملەكەتىمىزدىڭ اسكەري قاۋىپسىزدىگىن قامتاماسىز ەتۋ مۇددەسىندە ءوزىنىڭ جاۋىنگەرلىك جانە جۇمىلدىرۋ ازىرلىگىن جەتىلدىرۋدى جالعاستىرۋدا. بۇگىندە اسكەري- تەڭىز كۇشتەرى كاسپي ماڭىنداعى ەلدەر اراسىندا كۇشتەردى ورنالاستىرۋدا ايرىقشا ورىنعا يە ەكەنىن جانە كاسپي وڭىرىندەگى تۇراقتىلىقتىڭ كەپىلى بولىپ تابىلاتىنىن.
