قىتاي ەكونوميكاسىنىڭ 26 جىلداعى ەڭ تومەنگى دامۋ كورسەتكىشى تىركەلدى
بۇل تۋرالى ق ح ر- نىڭ مەملەكەتتىك ستاتيستيكالىق بيۋروسىنىڭ مالىمەتتەرىنە سۇيەنە وتىرىپ، Reuters حابارلادى، دەپ جازادى lenta.ru.
ەكونوميكا ءوسىمىنىڭ كورسەتكىشتەرى قىتاي بيلگى وكىلدەرىنىڭ بولجامدارىمەن سايكەس كەلدى. العاشقى ءۇش توقساندا ءى ج ءو- ءنىڭ جىلدىق ءوسىمى 6,7 پايىزعا جەتتى. ءتورتىنشى توقساندا 6,8 پايىزعا ارتتى. ق ح ر- نىڭ ىشكى جالپى ءونىمىنىڭ كولەمى جىل قورىتىندىسى بويىنشا، 74,41 تريلليون يۋاندى قۇرادى (شامامەن 10,84 تريلليون دوللار).
Reuters اگەنتتىگىنىڭ حابارلاۋىنشا، قىتاي ەكونوميكاسىنىڭ قازىرگى تاڭداعى جاعدايى وتكەن جىلمەن سالىستىرعاندا مىعىم ەكەندىگىنە قاراماستان، 2017 -جىلى ونىڭ ءوسىمىن ناقتى ايتۋ قيىن بولىپ وتىر. سونىمەن قاتار بيلىك وكىلدەرىنىڭ ەكونوميكانىڭ دامۋ قارقىنى جەدەلدەتۋگە باعىتتالعان شارالارى دا ءالسىز.
ا ق ش- تىڭ سايلانعان پرەزيدەنتى دونالد ترامپتىڭ ساۋدا سالاسىندا پروتەكتسيونيستىك باعىت بويىنشا جۇرگىزىپ وتىرعان ساياساتى قىتاي ەكسپورتىنا قاتىستى ماسەلەنى قيىنداتا تۇسپەك. ونسىز دا مۇشكىل جاعدايعا يۋاننىڭ قۇنسىزدانۋى دا كەرى اسەرىن تيگىزۋدە.
