قازاقستاندا 26 جاستاعى بيزنەسمەن ناۋرىزدا ۇيلەنەتىن پاك قىز ىزدەپ ءجۇر

26 جاستاعى قازاقستاندىق بيزنەسمەن وزىنە قالىڭدىق ىزدەپ ءجۇر. جانىبەك ومىراليەۆ بىرنەشە ساعات بۇرىن Facebook جەلىسىندەگى توپتاردىڭ بىرىندە جازباسىن ءبولىستى. اتالعان جازباسىندا جىگىت وزىنە قالىڭدىق ىزدەپ جۇرگەنى تۋرالى جازعان. ەڭ باستى شارت - قىزدىڭ پاك بولۋى.
«قايىرلى كەش، دوستار! مەن بۇگىن Facebook جەلىسىنە تىركەلدىم. ەسىمىم - جانىبەك. جاسىم 26 دا. الماتى قالاسىندا تۋىپ- ءوستىم. قازىر استانا قالاسىندا تۇرامىن. جۇمىسىم دا سول جەردە. اۆتو بولشەكتەر سالاسىندا جەكە بيزنەسىم بار. ماسكەۋدەگى ج و و- لاردىڭ بىرىندە ەكونوميكا فاكۋلتەتىن ءتامامدادىم. ءبىراز ۋاقىت ۇلتتىق كومپانيادا جۇمىس ىستەدىم. جالىعىپ كەتكەن سوڭ، قازىر ءوزىمنىڭ قول استىمدا جۇمىس ىستەپ جاتىرمىن. جالپى العاندا ءبىلىم مەن مانساپ ماسەلەسىندە بارلىعى جاقسى. اقشا جەتكىلىكتى. "سولتۇستىك ساۋلە" تۇرعىن ءۇي كەشەنىندە جەكە پاتەرىم بار. بىلايىنشا بارلىعى جاقسى، ءبىراق قالىڭدىق تابا الماي جۇرگەنىم وكىنىشتى. ەشۋاقىتتا قىزدارمەن رەنجىسكەن ەمەسپىن. الايدا ءالى كۇنگە دەيىن پاك قىزدى كەزدەستىرمەدىم. ار- ۇياتىن ەرى ءۇشىن ساقتاپ جۇرگەن قىزدى كەزدەستىرمەدىم.
بۇگىنگى تاڭدا پاك قازاق قىزىن تابۋ قيىن ەكەن. اكە- شەشەم دە قازاق. ولار مەنىڭ تەك قازاق ءارى پاك قىزعا ۇيلەنگەنىمدى قالايدى. ءبىزدىڭ وتباسىمىزدا ار- ۇيات ماسەلەسى ءبىرىنشى ورىندا تۇرادى. ماسكەۋدە وقىپ جۇرگەنىمدە شەشەنستان مەن داعىستاننىڭ جىگىتتەرى تەك ءوز ۇلتىنان قىز الاتىنىن، تەك پاك قىزعا ۇيلەنەتىنىن ايتاتىن. ولاردىڭ سوزدەرىن ەندى عانا ءتۇسىنىپ جاتقاندايمىن. ول ۋاقىتتا اسا ءمان بەرمەگەن ەدىم. كاۆكازدا جىگىتتەر قىزدارىن الدىن الا گينەكولوگ مامانعا تەكسەرتىپ الادى ەكەن.
مەن ءارتۇرلى قىزدارمەن كەزدەستىم. ولاردىڭ كوبىسى الماتى قالاسىنىكى بولدى. ولاردىڭ ەشقايسىسى دا پاك قىز بولعان ەمەس. مەديتسينا سالاسىندا قىزمەت ەتىپ جۇرگەن دوستارىم قىزداردىڭ جاساندى قىزدىق پەردە جاساتاتىنىن ايتىپ بەردى. مۇنىڭ قانشالىقتى ءتيىمدى ەكەنىن بىلمەيمىن. كوپتەگەن قىزدار مۇنى دۇرىس ارەكەتكە بالايدى. "دۇشپانىڭدى ولتىرگىڭ كەلسە، ونىڭ ايەلىمەن توسەكتەس بول" دەگەن سوزدەر ەسىمە ءتۇسىپ وتىر. وسى سوزدەر ءبىزدىڭ ەلىمىزگە قاتىستى ايتىلىپ تۇرعان سياقتى.
ارينە، سىزدەر مەنىڭ ۇستىمنەن كۇلۋلەرىڭىز مۇمكىن. الايدا بۇل مەن ءۇشىن ۇلكەن پروبلەما بولىپ وتىر. مۇنداي كەلەڭسىز جاعداي وتباسىن قۇرۋعا اسىعىپ جۇرگەن كەز كەلگەن ازاماتتىڭ باسىندا بولىپ جاتىر دەپ ويلايمىن. بالكىم كەي جىگىت قينالمايتىن دا شىعار. ءبىر جەردەن بالالاردىڭ اناسى ەڭ ءبىرىنشى توسەكتەس بولعان ەركەككە ۇقسايتىنىن تۋرالى وقىپ ەدىم. سول سەبەپتى بۇرىنعى قىزىما ۇيلەنگىم كەلمەي قالدى. سوزىنە سەنسەك، مەن ونىڭ ءۇشىنشى جىگىتى ەكەنمىن. سول سەبەپتى جەلىدە پاراقشامدى اشىپ، وسى تۋرالى جازۋدى ءجون كوردىم. بۇل جازبانى حابارلاندىرۋ دەپ اتاۋعا دا بولادى.
قۇرمەتتى، قازاق قىزدارى! ارالارىڭىزدا 20-26 جاس ارالىعىنداعى پاك قىزدار بولسا، مەن سىزدەرمەن كەزدەسۋگە دايىنمىن. ۇيلەنۋدى جوسپارلاپ ءجۇرمىن. قۇدايعا شۇكىر، مەندە بارلىعى بار. ءسىزدى تولىقتاي اسىراي الامىن. ءبىر اي بويى دۋبايدا قىدىرتامىن.
ماعان سۇلۋ، ءتانى سىمباتتى ءارى مەيىرىمدى قازاق قىزى كەرەك. پاك قىز بولۋى شارت. جامان ادەتتەرىنىڭ بولماعانى ءجون. جەكەگە جازىڭىزدار. جازعاندارىڭىزدى ەشكىمگە جاريا قىلمايمىن. مەن مىندەتتى تۇردە بارلىعىنا جاۋاپ بەرەمىن. بۇل مەنىڭ سۋرەتتەرىم. ومىردە ءدال وسىندايمىن. مەنى جاقىن دوستارىم، ارىپتەستەرىم كورەتىنى انىق. سىناماۋلارىڭىزدى سۇرايمىن. مەن سەندەرمەن وسى جاعداي تۋرالى بىرنەشە رەت سويلەسكەن بولاتىنمىن. بويى كۇش- قۋات جيناپ، اقىرى جازبامدى جاريالاۋدى ءجون كوردىم. بالكىم تانىستارىڭىزدىڭ اراسىندا ماعان لايىق قىز بار شىعار. بۇگىننەن باستاپ مەن ىزدەۋ جۇمىستارىنا كىرىپ جاتىرمىن. بارلىعىنا راحمەت!" - دەيدى جانىبەك ومىراليەۆ.
اتالعان جازبادان كەيىن جەلى قولدانۋشىلارىنىڭ پىكىرى ەكىگە ءبولىندى. اسىرەسە ايەل قاۋىمى بۇل جىگىتتىڭ پاك قىزعا لايىق ەمەس ەكەنىن ايتىپ جاتىر. "پاك قىز ولاردىڭ بارلىعىن جاتىپ تەكسەرىپ بولعان سوڭ كەرەك بولىپ قالدى ما؟ ونداي قىزدى ءوزىڭ تازا بولىپ تۇرعان كەزدە ىزدەۋىڭ كەرەك ەدى" دەپ جازادى نۇربانۋ قۋانىشبەكوۆا ەسىمدى جەلى قولدانۋشىسى. اراسىندا قازىر پاك قىزداردىڭ راسىمەن دە ازايىپ كەتكەنىن تىلگە تيەك ەتكەن جىگىتتەر دە بولدى. دەسە دە، ازىرگە بيزنەسمەنگە لايىق قىز تابىلمادى.
Stan.kz