09:32, 16 - قاڭتار 2017 | GMT +5
ا ق ش- تا 26 انتي بيوتيككە ءتوزىمدى سۋپەرباكتەريانىڭ العاشقى قۇربانى تىركەلدى
استانا. قازاقپارات - ا ق ش- تا رۇقسات بەرىلگەن 26 انتي بيوتيككە ءتوزىمدى سۋپەرباكتەريانىڭ العاشقى قۇربانى تىركەلدى، دەپ حابارلايدى AFP. ءۇندىستاندا اۋرۋ جۇقتىرعان 70 جاستاعى كەيۋانا كوز جۇمدى.

عالىمدار اتالعان دارىلەر ارزان ءارى اۋىلشارۋاشىلىعى سەكىلدى سالالاردا كەڭىنەن قولدانىلاتىن قىتاي مەن ءۇندىستاندا انتي بيوتيككە ءتوزىمدى باكتەريالاردىڭ پايدا بولۋىن بولجاعان ەدى.
سىرقاتتىڭ الدىن الۋ ورتالىعىنىڭ مالىمەتىنشە، كەيۋانا ءۇندىستانعا ساپارى بارىسىندا اياعىن جاراقاتتاپ العان. وقيعا ەل استاناسى نيۋ- دەليدە بولعان. دارىگەرلەر اجالعا Klebsiella pneumoniae باكتەريا ءتۇرىنىڭ شتامى سەبەپشى بولعاندىعىن انىقتادى. تامىز ايىندا قاريا ا ق ش- قا ورالىپ، سول كەزدە ونىڭ اعزاسىنان باكتەريا تابىلىپ، ونى زەرتتەۋ قولعا الىنعان.
باكتەريا ا ق ش- تا ليسەنزيا بەرىلەتىن جانە دارىگەرلەر پايدالاناتىن بارلىق 26 انتيبيوتيككە ءتوزىمدى بولىپ شىقتى. قىركۇيەك ايىنان بەرى نيەۆادا اۋرۋحاناسىندا وقشاۋلاپ ەم قابىلداپ جاتقان كەيۋانا قايتىس بولدى.