قازاقستاندىق 26 جاستاعى ميلليونەر قىزدىڭ ءومىرى جەلى وقىرماندارىن شوشىتتى - فوتو

 استانا. قازاقپارات - يرادا رامادانوۆا Instagram جەلىسىندەگى پاراقشاسىنا قۇنى بىرنەشە ميلليون تۇراتىن سومكەلەرى مەن رەسەيلىك ەسترادا جۇلدىزدارىمەن بىرگە وتكىزگەن سالتاناتتى كەشتەردىڭ سۋرەتتەرىن جاريالاپ، وقىرماندارىن شوشىتىپ الدى.

بۇل تۋرالى Life.ru جازدى.

وتانداستارى يرادا رامادانوۆانى تانىمال كاسىپكەر ايەل گوگا اشكەنازيمەن سالىستىرادى. وعان سەبەپ - ەكەۋىنىڭ سىرت كەلبەتتەرى قاتتى ۇقسايدى جانە ەكەۋى دە بىردەي قىمبات سومكەلەر مەن گاۋحار تاستى بۇيىمدارعا قۇمار.

يرادانىڭ اكسەسسۋارلار توپتاماسىنا تاجىك حانشايىمى مادينا شوكيروۆا مەن ءانشى ءجاسميننىڭ ءوزى قىزىعا قارايدى. ال كيىم سالاتىن شكاف سورەلەرى ءارقايسىسى 4 ميلليون رۋبلدان تۇراتىن قولتىراۋىن تەرىسىنەن جاسالعان Hermes Birkin سومكەلەرىنە تولىپ تۇر. ولاردىڭ كوپتىگى سونشالىق، سورەلەر قۇلاپ كەتۋدىڭ از- اق الدىندا. يرادا پاراقشاسىنا جۇكتەگەن Hermes پەن Chanel اكسەسسۋارلارىنىڭ جالپى قۇنى شامامەن 70 ميلليون رۋبلگە باعالانىپ وتىر.

ال قىمبات Erwin مەيرامحاناسى مەن ورتالىق دۇكەنگە شىعىس حانشايىمى قىزىل ءتۇستى سپورتتىق Ferrari (قۇنى 16 ميلليون رۋبل) نەمەسە Mercedes Gelandewagen (14 ميلليون رۋبل) اۆتوكولىگىمەن بارادى.

ال ءوزىنىڭ 26 جاستاعى تۋعان كۇنىن رامادانوۆا ماسكەۋدە دۇركىرەتىپ اتاپ ءوتتى. ونىڭ تۋعان كۇنىنە رەسەيدىڭ تانىمال جۇلدىزدارى فيليپپ كيركوروۆ، نيكولاي باسكوۆ، ۆالەريي مەلادزە مەن "ۆيا گرا" توبى قاتىسقان. كەش بارىسىندا تۋعان كۇن يەسى ەكى كيىم اۋىستىرىپتى.

ال ونىڭ ءومىرىن Instagram جەلىسىندە 250 مىڭ وقىرمان باقىلاپ وتىر.

كۇنگە كۇيىنۋ ءۇشىن بويجەتكەن اي سايىن دەرلىك دۋبايعا ءوزىنىڭ جەكە ۇشاعىمەن اتتانادى. ريۆەرانىڭ جاعالاۋىن ميلليونەر بويجەتكەن ياحتامەن تاماشالايدى. ال رامادانوۆانىڭ دوستارى مۇلدەم از. ونىڭ ەڭ جاقىن قۇربىلارى - ۆيكتوريا لوپىريەۆا مەن دۇنيەدەن وزىپ كەتكەن پلاتون لەبەديەۆتىڭ قىزى ديانا بولعان.

 Stan.kz