الەم حالقىنىڭ 25 پايىزى كەدەيلىككە تاپ بولۋى مۇمكىن - حالىقارالىق ۇيىم

بۇل تۋرالى Oxfam حالىقارالىق بىرلەستىگىنىڭ بايانداماسىندا ايتىلعان، دەپ حابارلايدى قازاقپارات ءتىلشىسى ۇيىمعا سىلتەمە جاساپ.
Oxfam-نىڭ «ءبىرىنشى داعدارىس، سودان كەيىن اپات» بايانداماسىندا ۋكرايناداعى جاعداي مەن COVID-19 كوروناۆيرۋس پاندەمياسىنان بولعان تەڭسىزدىك، ازىق-تۇلىك پەن ەنەرگيا باعاسىنىڭ بۇرىن-سوڭدى بولماعان ينفلياتسياسى الەمدەگى ەڭ كەدەي ادامدار ءۇشىن «اپات» اكەلەتىنى ايتىلعان.
سونىمەن، دۇنيەجۇزىلىك بانكتىڭ بولجامدارى مەن جاھاندىق دامۋ ورتالىعىنىڭ زەرتتەۋلەرىنە نەگىزدەلگەن جاڭا باعالاۋلار 2022-جىلى تورتتەن ءبىر ميللياردتان استام ادام كەدەيلىككە ۇشىراۋى مۇمكىن جانە كۇنىنە 1,90 دوللاردان از كىرىسى بار 860 ميلليون ادام بار.
سونىمەن قاتار، پەسسيميستىك بولجامدار بويىنشا، بيىل كۇنىنە 5,50 دوللار تابىسى بار 3,3 ميلليارد ادام كەدەيلىك شەگىنەن تومەن ءومىر ءسۇرۋى مۇمكىن، بۇل الەم حالقىنىڭ جارتىسىن قۇرايدى.
باياندامادا «ۇلكەن جيىرمالىق»، ح ۆ ق كوشباسشىلارى جانە دۇنيەجۇزىلىك بانك شۇعىل شارا قولدانباسا، ازىق-تۇلىك پەن ەنەرگيا باعاسىنىڭ شارىقتاۋى، ۋكرايناداعى جاعدايعا بايلانىستى ينفلياتسيا، سونداي-اق تەڭسىزدىك پەن كوروناۆيرۋس پاندەمياسى سياقتى داعدارىس قۇبىلىستارى وسى جىلى الەم حالقىنىڭ تورتتەن ءبىرىن كەدەيلىككە اكەلۋى مۇمكىن ەكەنى اتاپ وتىلگەن.