25-تامىز. قازاقپارات كۇنتىزبەسى
ەستە قالار وقيعالار
1994 -جىلى الماتىدا «نەمىس ءۇيى» اشىلدى.
2009 -جىلى استاناداعى ۋسپەن كافەدرالدى سوبورىنىڭ باسىنا كۇمبەز ورناتىلدى. بۇل - ورتالىق ازياداعى ەڭ ءىرى ءارى سوڭعى جيىرما جىلدا سالىنعان بىردەن- ءبىر سوبور. وعان 4 مىڭ ادام سىيادى، اۋدانى 900 شارشى مەتر، كۇمبەزىنىڭ ەڭ بيىك جوعارى جەردەن 68 مەتر بيىكتە.
2010 -جىلى كەدەن وداعىنىڭ كوميسسياسى ك و سەرتيفيكاتتاۋ ورگاندارى جانە سىناق زەرتحانالارىنىڭ ءبىرىڭعاي ءتىزىلىمىن بەكىتتى.
2010 -جىلى پاۆلودارداعى حريستو- روجدەستۆەنسك حرامىنىڭ فۋندامەنتىن جوندەپ جاتقان جۇمىسشىلار كۇمىس جانە مەلحيوردان جاسالعان 50 اسحانا بۇيىمىن تاۋىپ الدى. پىشاقتاردىڭ سابىنداعى لاتىن جازۋىنا قاراعاندا، ولاردى وتكەن عاسىردىڭ باسىندا شەتەلدىك شەبەرلەر جاساعان بولۋى مۇمكىن.
2011 -جىلى رالف ءديۋيموۆيتستىڭ باسشىلىعىمەن حالىقارالىق كوماندا قۇرامىندا بەلگىلى قازاقستاندىق الپينيستەر ماقسۇت جۇمايەۆ پەن ۆاسيليي پيۆتسوۆ دجومولۋنگمادان كەيىنگى ەكىنشى شىڭ (8611 مەتر) - الەمدەگى ەڭ كۇردەلى تاۋ شىڭدارىنىڭ ءبىرى چوگوريدى (ك 2) ەڭسەردى.
2011 -جىلى الماتىدا سسسر جانە قازسسر حالىق ءارتىسى، حالىق قاھارمانى روزا باعلانوۆا تۇرعان ۇيگە انشىگە ارنالعان ەسكەرتكىش تاقتا ورناتىلدى.
2016 -جىلى قازاقستاننىڭ ۇلتتىق مۋزەيىندە «ۇلى دالا تاريحى» كورمەسى اشىلدى. وعان ماڭگىلىك ەلدىڭ نەگىزىن قالاپ، بۇعاناسىن بەكىتكەن تاريحي تۇلعالاردىڭ، دانىشپان بيلەۋشىلەر مەن باتىرلاردىڭ پورترەتتەرى قويىلدى. كورمەنى ۇيىمداستىرۋداعى باستى ماقسات - جاستاردىڭ وتانسۇيگىشتىك سەزىمىن وياتۋ، ۇلى دالا تۇلعالارىنىڭ تاريحي بەيىنەسىن قايتا جاڭعىرتۋ.
2016 -جىلى استانا قالاسى اكىمدىگى مەن تىلدەردى دامىتۋ باسقارماسى ۇيىمداستىرعان بۇقارالىق اقپارات قۇرالدارى اراسىنداعى «ءتىل تۇعىرى-2016» بايقاۋىنىڭ ناتيجەسى بويىنشا، «قازاقپارات» حالىقارالىق اقپارات اگەنتتىگى قازاق تىلىندەگى، سونداي- اق، باسقا ەلدەردە جاڭالىق تاراتۋ ماقساتىندا لاتىن جانە ارابشا توتە جازۋ الىپبيىندە ماتەريالدار جاريالاعانى ءۇشىن «مەملەكەتتىك ءتىل قولدانىسىن كەڭەيتۋگە ۇلەس قوسقان باق» اتالىمى بويىنشا ۇزدىك دەپ تانىلدى.
2017 -جىلى «ەۋرازيا اپتاسى» حالىقارالىق ەكونوميكالىق فورۋمى اياسىندا «قازاقپارات» حالىقارالىق اقپارات اگەنتتىگى ەۋرازيالىق ەكونوميكالىق كوميسسياسىنىڭ ماراپاتىنا يە بولدى. فورۋمعا قاتىسۋ ءۇشىن استاناعا الەمنىڭ 42 ەلىنەن مەملەكەتتىك بيلىك ورگاندارىنىڭ، ىسكەرلىك توپتار مەن بيزنەس قوعامداستىقتىڭ وكىلدەرى كەلدى. جالپى شاراعا ەكى مىڭنان استام ادام جينالدى.
2017 -جىلى حالىقارالىق تۇركى اكادەمياسىنىڭ پرەزيدەنتى دارحان قىدىرالى ۆەنگريانىڭ اسا جوعارى ماراپاتتارىنىڭ ءبىرى - «قىزمەتى ءۇشىن» وردەنىمەن ناگرادتالدى. ول پرەمەر- ءمينيستردىڭ ۇسىنىسىمەن، بەلگىلى تۇركولوگ عالىم يشتۆان قوڭىر ماندوكيدىڭ ەڭبەكتەرىن ساقتاۋ جانە عىلىمي، مادەني ىنتىماقتاستىقتى نىعايتۋعا قوسقان ۇلەسى ءۇشىن ماراپاتتالدى.
2017 -جىلى تاتارستان رەسپۋبليكاسىنىڭ پرەزيدەنتى رۋستام ميننيحانوۆ الماتى وبلىسىنداعى تاتار ەتنومادەني ورتالىعىنىڭ وكىلدەرىمەن كەزدەسۋدە وبلىس اكىمى اماندىق باتالوۆقا ءارىپ تاڭىربەرگەنوۆتىڭ «ءبىرجان سال مەن اقىن سارانىڭ ايتىسى» اتتى قولجازباسىنىڭ باسپا جانە ەلەكتروندى كوشىرمەسىن تابىستادى.
2017 -جىلى اقتاۋداعى نۇرمۇحان ءجانتورين اتىنداعى مۋزىكالىق- دراما تەاترىندا كاسپيي جاعالاۋى ەلدەرىنىڭ I حالىقارالىق تەاتر فەستيۆالى سالتاناتتى تۇردە اشىلدى. فەستيۆالدىڭ ماقساتى - كاسپي جاعالاۋى ەلدەرىنىڭ تەاتر ونەرى سالاسىنداعى ىنتىماقتاستىعىن كۇشەيتۋ مەن مادەني جانە رۋحاني بايلانىستاردىڭ ودان ءارى نىعايۋىنا ۇلەس قوسۋ؛ تەاتر ونەرىن دامىتۋ جانە تەاترلاردىڭ شىعارماشىلىق باستامالارىن ىنتالاندىرۋ؛
بىرلەسكەن شىعارماشىلىق جوبالارعا جانە كاسىبي قارىم- قاتىناسقا جاعداي جاساۋ؛ جۇرتشىلىق نازارىن قازىرگى زامانعى جاڭا تەاترلىق ۇدەرىسكە اۋدارۋ. فەستيۆالعا كاسپي جاعالاۋىندا وتىرعان رەسەي، ازەربايجان، يران جانە قازاقستاننىڭ كاسىبي دراما جانە مۋزىكالىق- دراما تەاترلارى قاتىستى.
2017 -جىلى WorldSkills قاۋىمداستىعىنىڭ قازاقستان، ارمەنيا، بەلارۋس جانە رەسەيدەگى ۇلتتىق وپەراتورلارى Worldskills Eurasia اتتى جاڭا ءوڭىرارالىق قۇرىلىمىن قۇرۋ تۋرالى دەكلاراتسياعا قول قويدى. جاڭا قۇرىلىم WorldSkills International-دىڭ التىنشى ماكرووڭىرلىك بىرلەستىگى بولدى. Worldskills Eurasia-نىڭ الدىنا قويعان مىندەتتەرىن ورىنداۋىنا ە ا ە و، ە ە ك، ش ى ۇ جانە ەۋرازيا دامۋ بانكى سياقتى ۇكىمەتارالىق ورگاندار مەن ۇيىمدار كومەكتەسەدى.
2017 -جىلى قازاقستاندىق جەڭىل اتلەت ولگا رىپاكوۆا شۆەيتساريانىڭ سيۋريح قالاسىندا وتكەن «گاۋھار ليگا» كەزەڭىندە ءساتتى ونەر كورسەتتى. وليمپيادا چەمپيونى ءۇش قارعىپ سەكىرۋدەن 14 م 55 س م ناتيجەمەن ءبىرىنشى ورىندى يەلەندى.
2018 -جىلى «رۋحاني جاڭعىرۋ» باعدارلاماسى اياسىندا كوكشەتاۋدىڭ ىرگەسىندەگى بىرلىك كەنتىندەگى كوشەگە قانجىعالى بوگەنباي باتىردىڭ نەمەرەسى باپان ءبيدىڭ ەسىمى بەرىلدى. باپان بي 1755 -جىلى ەرەيمەنتاۋدا تۋىپ، 1849 -جىلى دۇنيە سالعان. بەيىتى قورجىنكولدىڭ جاعاسىندا. باپان بي - قازاقتىڭ اتاقتى ءبيى، سوڭىندا ولمەس ونەلگەلى سوزدەرى مەن جاقسى ىستەرى قالعان تاريحي تۇلعا.
2020 -جىلى قازاقستان مەن قىتاي بىرلەسىپ تۇسىرگەن «كومپوزيتور» فيلمى 8- ء ۆانكۋۆەر حالىقارالىق قىتاي كينوسى فەستيۆالىندە « قىزىل ۇيەڭكى جاپىراق» سىيلىعىنىڭ «ۇزدىك فيلم»، «ۇزدىك رەجيسسەر»، «ۇزدىك ايەل ءرولى»، «ۇزدىك ەر ادام ءرولى» نوميناتسيالارىندا جەڭىسكە جەتتى.
«كومپوزيتور» فيلمىندە ەكىنشى دۇنيەجۇزىلىك سوعىس كەزىندە تانىمال قىتاي كومپوزيتورى سيان سينحايدىڭ الماتىداعى ءومىرى مەن ونىڭ بەلگىلى قازاق سازگەرى باقىتجان بايقاداموۆپەن دوستىعى جايلى باياندالادى.