25 ميلليون حالقى بار بەيجىڭ كوشەلەرى قاڭىراپ قالدى

نۇر-سۇلتان. قازاقپارات – كوروناۆيرۋس قىتاي استاناسىنىڭ كۇندەلىكتى ومىرىنە كوپ وزگەرىس اكەلدى، دەپ حابارلايدى «حابار 24».

قاۋىپتى ىندەت ەلدى جايلاعاننان بەرى 25 ميلليوندىق شاھار كوشەلەرى قاڭىراپ قالعان. شەتەلدىكتەر مۇنداي كورىنىستى ەشقاشان كورمەگەنىن ايتادى. ءتىپتى ادەتتە ادامعا تولى مەترولاردان دا جولاۋشىلاردى سيرەك كەزدەستىرەسىز. سەبەبى ۋحان قالاسىنان لەزدە تاراعان قاۋىپتى دەرتتەن بەيجىڭ تۇرعىندارى كوشەگە شىعۋدان قورقىپ قالعان.

فەنگ يۋمينگ، ستۋدەنت:

- كوروناۆيرۋس قاتتى الاڭداتادى. الايدا ۇرەيىمىزدى ۇشىرعان جوق. سەبەبى اتقارىلىپ جاتقان ءىس- قيمىلدار دەرتتىڭ تارالۋىن تەجەپ، ىندەتكە توسقاۋىل قويادى دەپ سەنەمىن. مىسالى، مىنا كولىك تۇراعىنا كىرۋ ءۇشىن دەنە قىزۋىن تەكسەرىپ بارىپ ءبىراق وتكىزەدى.

ال سوڭعى مالىمەتكە قاراعاندا بەيجىڭدە كوروناۆيرۋستى جۇقتىرعانداردىڭ سانى 274-كە جەتكەن. ونشاقتى ادام دەرتتەن ايىعىپ شىقتى. ىندەتتى جۇقتىرۋ وقيعالارى كوبىنە شاھاردىڭ حايديان مەن چاويان اۋدانىندا تىركەلگەن. قالادا اۋرۋعا قارسى تەكسەرۋ شارالارى كۇشەيتىلگەن.

www.24.kz