قازاقستاندا ورالمان تالاپكەر 25 بالمەن گرانتقا وقۋعا ءتۇستى

استانا. قازاقپارات - 2018-جىلى ءبىلىم بەرۋ گرانتتارىن قازاق دياسپوراسىنىڭ 862 وكىلى الدى، - دەپ حابارلايدى Tengrinews.kz ءتىلشىسى.

سيپاتتاماعا قاراعاندا، كۆوتالار قازاقستان رەسپۋبليكاسى ازاماتى ەمەس، ەتنيكالىق قازاقتارعا بولىنگەن.

ق ر ازاماتى ەمەس ەتنيكالىق قازاقتاردىڭ ەڭ جوعارى بالى 133 ەكەن، مۇنداي كورسەتكىشكە ەكى تالاپكەر قول جەتكىزگەن. ولار «جالپى مەديتسينا» جانە «تاسىمالداۋدى ۇيىمداستىرۋ جانە قوزعالىستى ۇيىمداستىرۋ» ماماندىقتارى بويىنشا ءبىلىم الادى.

دياسپورادا ەڭ تومەنگى بال 25 جانە 26. 25 بال جيناعان تۇلەك «دەنە شىنىقتىرۋ جانە سپورت» ماماندىعىنا گرانتقا ءتۇستى. 26 بال العان تالاپكەر بولسا «مەكتەپكە دەيىنگى وقىتۋ» ماماندىعىن تاڭداعان.

گرانت العانداردىڭ قاتارىندا 27، 29، 31 جانە 33 بال جيناعاندارى بار. 132، 129 جانە 128 بال العان بىرنەشە تۇلەك ءتىس دارىگەرى ماماندىعىن تاڭداپ وتىر ەكەن.

ەسكە سالايىق، بۇگىن، 6 -تامىزدا بيىلعى ءبىلىم گرانتى يەگەرلەرىنىڭ تولىق ءتىزىمى جاريالانعان.