قازگيدرومەتتىڭ 25- شىلدە كۇنگى اۋا رايى بولجامى
اتموسفەرالىق فرونتتاردىڭ وتۋىنە بايلانىستى كەي جەرلەرىندە نايزاعاي ويناپ، جاڭبىر جاۋادى، جەل كۇشەيەدى. رەسپۋبليكانىڭ وڭتۇستىگىندە شاڭدى داۋىل كۇتىلەدى. جەكەلەگەن وڭىرلەردە تۇمان ءتۇسىپ، كۇندىز بۇرشاق جاۋۋى مۇمكىن، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.
اتاپ ايتقاندا، اقمولا، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، تۇندە جانە تاڭەرتەڭ تۇمان كۇتىلەدى. كۇندىز اقمولا، قاراعاندى وبلىستارىندا بۇرشاق بولۋى مۇمكىن.
الماتى، جامبىل، قىزىلوردا، تۇركىستان، ماڭعىستاۋ، اتىراۋ، باتىس قازاقستان وبلىستارىنىڭ كەي جەرلەرىندە جەلدىڭ ەكپىنى 15-20 م/س جەتەدى. قىزىلوردا وبلىسىندا وعان كۇندىز شاڭدى داۋىل ارالاسادى.
سونداي-اق اقتوبە، اتىراۋ وبلىستارىنىڭ باسىم بولىگىندە، باتىس قازاقستان، ماڭعىستاۋ وبلىستارىنىڭ كەي جەرلەرىندە قاتتى ىستىق بولادى.
بۇدان بولەك، ماڭعىستاۋ، قىزىلوردا، تۇركىستان وبلىستارىنىڭ باسىم بولىگىندە، اتىراۋ، باتىس قازاقستان، اقتوبە، قوستاناي، جامبىل، الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.
