بۇگىن 25 -شىلدە قازاقستاندا وتەتىن ماڭىزدى شارالارعا شولۋ
11.00-دە ق ر ۇلتتىق اكادەميالىق كىتاپحاناسىندا اقىن، دراماتۋرگ، جازۋشى بايانعالي ءالىمجاننىڭ «الەم اۋەندەرى»، «قىرعىزىم بىرگە تۋعانىم» جانە «دوبروجەلاتەلنىي اسكار» اتتى جاڭا كىتاپتارىنىڭ تۇساۋكەسەرى وتەدى.
15.00-دە قازمەدياحولل تەلەراديوكەشەنىندە «وقۋ- ادىستەمەلىك قۇرالداردىڭ قازىرگى احۋالى جانە ءتىل ۇيرەتۋدەگى جاڭا تەندەنسيالار» رەسپۋبليكالىق ونلاين سەمينارى وتەدى.
الماتى
10.00-دە تۇران ۋنيۆەرسيتەتىنىڭ زالىندا الماتى قالاسىنىڭ قوعامدىق كەڭەسى «ەلدەگى قۇقىقتىق ءتارتىپتى قامتاماسىز ەتۋ جانە قازاقستان رەسپۋبليكاسى ىشكى ىستەر مينيسترلىگىنىڭ فۋنكتسيالارىن رەفورمالاۋ جونىندەگى شارالار، قۇقىق قورعاۋ ورگاندارىنىڭ قىزمەتىنە حالىقتىڭ سەنىمىن ارتتىرۋ جانە قىلمىستاردى تومەندەتۋ ماسەلەلەرى» تاقىرىبىندا قوعامدىق تىڭداۋ وتكىزەدى.
11.00-دە «ينتەرفاكس- قازاقستان» اگەنتتىگىنىڭ باسپا ءسوز ورتالىعىندا قازاقستاندىق تەمىرجول كومپونەنتى ماتەريالدارمەن قامتاماسىز ەتۋگە تارتىلعان ۇلتتىق وندىرىستىك كلاستەردىڭ جويىلۋىن تالقىلاۋعا ارنالعان باسپا ءسوز ءماسليحاتى وتەدى.
11.30-دا الماتى قالاسىنىڭ وڭىرلىك كوممۋنيكاتسيالار قىزمەتىندە «الماتى قالاسىنىڭ قارجى نارىعىنىڭ جاعدايى، 2017 -جىلعا ارنالعان ەسەپ. 2018 -جىلعا ارنالعان جوسپارلار» تاقىرىبىندا باسپا ءسوز ءماسليحاتى وتەدى.
جامبىل وبلىسى
10.00-دە جامبىل وبلىسىنداعى استانانىڭ مادەني كۇندەرى اياسىندا جامبىل وبلىستىق تاريحي- ولكەتانۋ مۋزەيىنىڭ كورمە زالىندا «اق تىلەكپەن استانا!» كورمەسى اشىلادى.
19.00-دە «بالاساعۇن» كونسەرت زالىنىڭ ساحناسىندا «استانادان اق تىلەك» اتتى گالا- كونتسەرت وتەدى. كەش باعدارلاماسىندا ەسترادالىق ءبي، «شالقىما» حالىق ءبيى انسامبلدەرى، «قورقىت» ءداستۇرلى مۋزىكا توبى، كلاسسيكالىق، ەسترادالىق جانە حالىق ۆوكالىنىڭ سوليستەرى ونەر كورسەتەدى. سونىمەن قاتار، ساحنا تورىندە وتاندىق ەسترادا جۇلدىزدارى ونەر كورسەتەدى. كلارا تولەنبايەۆا، كۇلايىم قايىربايەۆا، دوس، اسقار جايلاۋبايەۆ، Di-ArtStyle تريوسى، باۋىرجان يسايەۆ، رينات مالتساگوۆ جانە الماس كىشكەنبايەۆ ءان شىرقايدى.
19.00-دە جامبىل وبلىستىق ورىس دراما تەاترىندا ەلوردالىق م. گوركي اتىنداعى مەملەكەتتىك اكادەميالىق ورىس دراما تەاترى ۇجىمى ك. ليۋدۆيگتىڭ «پريمادوننا» كومەدياسىن كورەدى.
تۇركىستان وبلىسى
12.00-دە وڭىرلىك كوممۋنيكاتسيالار قىزمەتىندە «رۋحاني جاڭعىرۋ» وبلىستىق جوبالىق كەڭسەسىنىڭ جەتەكشىسى باقىتجان اشىربەكوۆ «رۋحاني جاڭعىرۋ» باعدارلاماسى اياسىندا بيىلعى جۇزەگە اسقان جانە الداعى ۋاقىتتا جوسپارلانعان ءىس- شارالارىنىڭ بارىسى تۋرالى باسپا ءسوز ءماسليحاتىن وتكىزەدى.
سونداي-اق، ەرتەڭ تۇركىستان قالاسىندا قر قارجى مينيسترلىگىنىڭ اۋماقتىق مەملەكەتتىك ورگاندارىنىڭ وكىلدىكتەرى اشىلادى. سونىمەن قاتار، مەملەكەتتىك كىرىستەر دەپارتامەنتىنىڭ 1- جارتىجىلدىقتاعى ەسەبى تىڭدالىپ، سالىق سالۋ بازاسىن كەڭەيتۋ ماسەلەسى قارالادى.
