وزبەكستانداعى قازاق ۇلتتىق مادەني ورتالىعى 25 جىلدىعىن اتاپ ءوتتى- فوتو
دەپ حابارلايدى «قازاقپارات» ح ا ا ءتىلشىسى.
مەرەيتويلىق شارا مۋستاكيلليك الاڭىنداعى وزبەكستان تاۋەلسىزدىگى مونۋمەنتى مەن اباي ەسكەرتكىشىنە گۇل شوقتارىن قويۋدان باستالدى. سونىمەن قاتار، رەسپۋبليكالىق ينتەرناتسيونالدىق مادەني ورتالىعىندا تاقىرىپتىق كونفەرەنسيا ۇيىمداستىرىلدى. ءارى قاراي مەرەكەلىك شارا ەتنوقالاشىقتا تىگىلگەن كيىز ۇيلەر مەن قازاق مادەنيەتىنەن سىر شەرتەتىن كورمەدە ۇيىمداستىرىلعان كونسەرتتىك باعدارلامالارعا ۇلاستى.
وزبەكستانداعى قازاق مادەنيەتى ورتالىعىنىڭ قۇرىلۋ تاريحى ءور عىلىم اكادەمياسى جانىنان قازاق اقپارات ورتالىعى قۇرىلعان 1989 - جىلدان باستاۋ الادى. 1992 -جىلعى قازاقتاردىڭ ءبىرىنشى قۇرىلتايىنان كەيىن، اقپارات ورتالىعى وزبەكستانداعى قازاق مادەني ورتالىعىنا اۋىستىرىلىپ، 1995 -جىلدىڭ 31 - قازانىندا ءو ر ادىلەت مينيسترلىگىمەن تىركەلدى. ءو ر رەسپۋبليكالىق قازاق مادەني ورتالىعىنىڭ قۇرامىنا قاراقالپاقستان رەسپۋبليكاسى قازاق ۇلتتىق- مادەني ورتالىعى، سونداي- اق جىزاق، نوعاي، سىرداريا، حورەزم، تاشكەنت وبلىستىق مادەني ورتالىقتارى كىرەدى.
