قازاقستاننىڭ مەملەكەتتىك يادرولىق ورتالىعى 25 جىلدىعىن اتاپ وتۋدە
19- مامىر كۇنى كۋرچاتوۆتا حالىقارالىق كەڭەس ءوتىپ، ونىڭ جۇمىسىنا ءوڭىر باسشىسى دانيال احمەتوۆ، ەنەرگەتيكا ۆيتسە- ءمينيسترى باقىتجان جاقساليەۆ قاتىستى. مەرەيتولىق داتاعا ورايلاستىرىلعان حالىقارالىق شاراعا قازاقستان، رەسەي، ا ق ش، فرانسيا، جاپونيا، بەلارۋس جانە ازەربايجان ەلدەرىنىڭ عالىمدارى جينالدى.
سەمينار اياسىندا «ق ر ۇلتتىق يادرولىق ورتالىعى» ر م ك جانە «ن. ا. دوللەجال اتىنداعى عىلىمي- زەرتتەۋ جانە كونسترۋكتورلىق ەنەرگوتەحنيكا ينستيتۋتى» ا ق اراسىندا عىلىمي- تەحنيكالىق ىنتىماقتاستىق جونىندەگى كەلىسىمشارتقا قول قويىلدى، دەپ حابارلايدى قازاقپارات ش ق و- نىڭ اقپارات ورتالىعىنا سىلتەمە جاساپ.
ۇلتتىق يادرولىق ورتالىعى 25 جىلدا سىناق جۇزىندەگى زەرتتەۋلەر مەن يادرولىق رەاكتورلاردىڭ يننوۆاتسيالىق جوبالارى سالاسىندا الەمدىك كوشباسشىعا اينالدى. ەلدە عىلىمدى دامىتۋعا جانە اتوم ەنەرگەتيكاسىن بەيبىت ماقساتتا پايدالانۋعا ۇلكەن كوڭىل بولىنەدى.
ءىس- شارا بارىسىندا وبلىس اكىمى اتاپ وتكەندەي، بۇل باعىتتاعى جۇمىستاردىڭ نەگىزگى ۇلەسى ق ر پرەزيدەنتى نۇرسۇلتان نازاربايەۆقا تيەسىلى. «ءدال ءبىزدىڭ پرەزيدەنت مەملەكەت باسشىلارى اراسىندا ءبىرىنشى بولىپ يادرولىق سىناق الاڭىن جاپتى. قازاقستان ەرىكتى تۇردە الەمدەگى ءتورتىنشى يادرولىق الەۋەتىنەن: 1200 يادرولىق وقتۇمسىعى بار 110 بالليستيكالىق زىمىراننان باس تارتىپ، ەل قاۋىپسىزدىگىنىڭ حالىقارالىق كەپىلدىگىن الدى. ورتالىق ازيانى يادرولىق قارۋدان ادا ايماق رەتىندە جاريالادى جانە بۇگىندە قۇرامىنا 21 مەملەكەت ەنىپ وتىرعان ازياداعى ءوزارا ءىس- قيمىل جانە سەنىم شارالارى جونىندەگى كەڭەستىڭ باستاماشىسى بولدى»، - دەدى د. احمەتوۆ.
كۋرچاتوۆتا «توكاماك تەرمويادرولىق ماتەريالتانۋ رەاكتورىن قۇرۋ» بىرەگەي زەرتتەۋ قوندىرعىسىنىڭ قۇرىلىسى اياقتالۋعا جاقىن. ول تەرمويادرولىق سينتەز سالاسىندا زەرتتەۋلەر جۇرگىزۋگە مۇمكىندىك بەرەدى. جوبا «بولاشاق ەنەرگياسى» تاقىرىبىمەن وتەتىن ەكسپو-2017 كورمەسىندە ءوزىنىڭ لايىقتى ورنىن تاباتىن بولادى.
اۋدارما: ميرا تولەندى قىزى