19:18, 26 - جەلتوقسان 2016 | GMT +5
قىتاي تۇرعىنى 25 جىل بويى اسكەري گراناتامەن جاڭعاق شاعىپ كەلگەن - فوتو
استانا. قازاقپارات - شانشي پروۆينسياسىنىڭ انكاڭ قالاسىندا تۇراتىن ەر ادام شيرەك عاسىر بويى اسكەري گراناتامەن جاڭعاق شاعىپتى.
ول ءوز ءومىرى مەن اينالاسىنداعىلارعا تونگەن قاۋىپ تۋرالى 25 جىل بويى بىلمەگەن، دەپ حابارلايدى Daily Mail Online.
سويتسە، جارىلعىش زاتتىڭ بۇل ءتۇرىن شارۋاعا دوسى تارتۋ ەتىپتى. ول دا ءوز سىيلىعىنىڭ قانشالىق قاۋىپتى ەكەنىن بىلمەگەن ەكەن.
تەك جۋىردا عانا ولار تۇراتىن ايماقتا ءجيى تابىلاتىن گراناتالاردىڭ قاۋىپتىلىگى تۋرالى ءۇنپاراقتار جۇرتتىڭ كوزىن اشقان.
قازىر پوليتسيا گراناتانىڭ قانشالىقتى قاۋىپتى ەكەندىگىن تەكسەرىپ جاتىر. ال مۇنى ەستىگەن وزگە جۇرت الەۋمەتتىك جەلىدە «Samsung سمارتفونعا قاراعاندا، اسكەري گراناتا قاۋىپسىز بولىپ شىقتى» دەپ، ارقا-جارقا بولىپ، ءبىراز ازىلدەستى.
دەرەككوزى: www.24.kz
