جاستار ق ر تاۋەلسىزدىگىنىڭ 25 جىلدىعىنا ارناپ، بەيجىڭدە كونسەرت قويدى- فوتو
دەپ حابارلايدى «قازاقپارات» ح ا ا- ءنىڭ قىتايداعى مەنشىكتى ءتىلشىسى.
شارانى بەيجىڭ شەت تىلدەر ۋنيۆەرسيتەتى جانىنداعى «قازاقستان ورتالىعى» مەن ورىس ءتىلى ينستيتۋتىنىڭ قىزمەتكەرلەرى ۇيىمداستىردى. شاراعا دايىندىق ءبىر اي بويىنا جالعاستى. كونسەرتتىڭ باستالۋىنىڭ الدىندا كورەرمەندەرگە قۇتتىقتاۋ سوزدەرىن ق ر ق ح ر- داعى ەلشىلىگىنىڭ كەڭەسشىسى قايرات ابدراحمانوۆ پەن بەيجىڭ شەت تىلدەر ۋنيۆەرسيتەتى ورىس ءتىلى ينستيتۋتىنىڭ ديرەكتورى حۋان مەي جەتكىزدى. قوناقتارعا قىتايلىق ۇلتتار ورتالىعى ۋنيۆەرسيتەتىنىڭ، بەيجىڭ بي اكادەمياسى، ق ح ر تەلەگراف جانە پوشتا ۋنيۆەرسيتەتىنىڭ ستۋدەنتتەرى وزدەرىنىڭ ارنايى قويىلىمدارىن ارنادى.
ستۋدەنتتەردىڭ قويىلىمدارىنىڭ اراسىندا قازاقستان تۋرالى بەينەروليكتەر كورسەتىلدى. كەشتىڭ اياقتالار تۇسىندا
قازاقستان مەن قىتاي جاستارى قازاقتىڭ ۇلتتىق كيىمدەرىنىڭ ۇلگىلەرىن كورسەتتى. «قازاقستان ورتالىعىنىڭ» حور ۇجىمى قازاق جانە قىتاي تىلدەرىندە دوستىق تۋرالى اندەر ورىندادى.
«ماعان بۇگىنگى كەش قاتتى ۇنادى. قازاقستاننان كەلگەن ستۋدەنتتەر ءوز حالقىنىڭ مادەنيەتىن وتە كەرەمەت ەتىپ كورسەتە ءبىلدى جانە قازاقستاندىقتاردى تاۋەلسىزدىك كۇنىمەن قۇتتىقتادى. سىزدەردىڭ ەلدەرىڭىز 25 جىلدىڭ ىشىندە ۇلكەن جەتىستىكتەرگە قول جەتكىزدى. مەن الداعى 25 جىلدا بۇل مەملەكەت بۇگىنگىدەن دە جەدەل داميتىنىنا سەنەمىن»، - دەدى قازاقپارات تىلشىسىنە بەرگەن سۇحباتىندا بەيجىڭ شەت تىلدەر ۋنيۆەرسيتەتىنىڭ ۇستازى يان سيۋەتسين.
وسى ج و و- نىڭ تۇرىك ءتىلى كافەدراسىنىڭ پروفەسسورى، تۇركيا ازاماتى دجەن ايگۋن قازاقستاندىقتاردى تاۋەلسىزدىكتىڭ 25 جىلدىعىمەن قۇتتىقتادى.
