ق ر تاۋەلسىزدىگىنىڭ 25 جىلدىعى: اقمولا وبلىسىنان شىققان اۆتوكەرۋەن پاۆلودارعا جەتتى
«ۇلى دالا ازاماتتارى» دەپ اتالاتىن اكسيانى «گەنەرالدار كەڭەسى» قوعامدىق بىرلەستىگى، قازاقستان حالقى اسسامبلەياسى، «نۇر وتان» پارتياسى وبلىستىق فيليالى جانە ينتەرناتسيوناليست-جاۋىنگەرلەر قازاقستان بويىنشا بىرلەسىپ ۇيىمداستىرادى.
- الماتىدا وتكەن «ءبىز - جەڭىستىڭ ۇرپاعىمىز» اتتى اكسيادا جاپوندىقتار ۆولوكولامسك تاس جولىندا بولعان شايقاستى زەرتتەگەندەرىن ايتادى. قازاقستاندىق ديۆيزيا سول جەردە جاۋدىڭ ماسكەۋگە كىرۋىنە جول بەرمەگەن. بۇگىندە باۋىرجان مومىش ۇلىنىڭ ەرلىگىنە ءتانتى بولعان يزرايل، كۋبا ەلدەرىنىڭ اسكەرلەرى باتىردىڭ سوعىستا قولدانعان تاكتيكاسىن زەرتتەۋدە.
وسكەلەڭ ۇرپاق ءۇشىن ماڭىزى زور مۇنداي اكتسيا جىل سايىن قازاقستاننىڭ بارلىق ايماقتارىندا ۇيىمداستىرىلادى. 4- ماۋسىم كۇنى اقمولا وبىسىنان شىققان اۆتوكەرۋەن ەكىباستۇزدان پاۆلودار قالاسىنا كەلىپ، ءارى قاراي شىعىس قازاقستان وبلىسىنا بەت الادى. سوڭعى نۇكتە استانا قالاسى بولماق، - دەيدى پاۆلودار قالالىق اۋعان ارداگەرلەر كەڭەسىنىڭ ءتوراعاسى عالىمجان شاراپاتوۆ.
ايتا كەتەرلىگى، «ماڭگىلىك ەل» پاتريوتتىق اكتى اياسىندا جالپى ۇلتتىق كەلىسىم مەن بىرلىكتى نىعايتۋ، قازاقستاندىق جاۋىنگەرلەردىڭ باتىلدىعىن ناسيحاتتاۋ ماقساتىندا داڭق ەسكەرتكىشى الدىندا ماڭگىلىك الاۋعا سالتاناتتى تۇردە گۇل قويۋ ءراسىمى ءوتتى.