12:35, 03 - شىلدە 2016 | GMT +6
تۇرىكمەن ەتنومادەني بىرلەستىگى: ب ۇ ۇ ق ك مۇشە بولۋ - ەلباسىنىڭ 25 جىل بويعى بەيبىت باستامالارىنىڭ زاڭدى ناتيجەسى
استانا. قازاقپارات - تۇرىكمەننىڭ ەتنومادەني بىرلەستىگى قازاقستاننىڭ ءبىرتۇتاس حالقىن ەلىمىزدىڭ ب ۇ ۇ قاۋىپسىزدىك كەڭەسىنىڭ 2017-2018-جىلدارداعى تۇراقتى ەمەس مۇشەلىگىنە سايلانۋىمەن قۇتتىقتايدى.
«بۇل ەلباسى، پرەزيدەنتىمىز نۇرسۇلتان نازاربايەۆتىڭ 25 جىل بويعى بەيبىت باستامالارىنىڭ زاڭدى ناتيجەسى بولىپ تابىلادى.
ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلاۋدا ەلىمىزدى 138 مەملەكەت قولدادى - بۇل قازاقستاننىڭ حالىقارالىق بەدەلىن بۇكىل الەمدىك قوعامداستىقتىڭ تالاسسىز تانۋىنىڭ بەلگىسى.
ەلىمىز ازيا-تىنىق مۇحيت مەملەكەتتەر توبىنان مالايزيانى الماستىرىپ، ب ۇ ۇ- نىڭ اسا ماڭىزدى ساياسي ورگانى قۇرامىنا ورتالىق ازيادان سايلانعان تۇڭعىش مەملەكەت بولىپ وتىر.
ءبىز قازاقستاننىڭ تەرروريزممەن كۇرەس پروبلەمالارى، يادرولىق قارۋسىزدانۋ، وڭىرلىك جانجالداردى شەشۋ، حالىقارالىق اۋقىمدا بەيبىتشىلىك پەن كەلىسىمگە قول جەتكىزۋ ماسەلەلەرىندە ءوزىنىڭ ۇستانىمدارىن لايىقتى ىلگەرىلەتەتىنىنە سەنىمدىمىز!» - دەپ جازىلعان قۇتتىقتاۋدا.