16:15, 30 - جەلتوقسان 2015 | GMT +5
تاۋەلسىزدىكتىڭ 25 جىلدىعى اياسىندا ەل الدىندا ماڭىزدى مىندەتتەر تۇر - ن. نازاربايەۆ
استانا. قازاقپارات - مەملەكەت باسشىسى نۇرسۇلتان نازاربايەۆ قازاقستان رەسپۋبليكاسى پرەزيدەنتى اكىمشىلىگىنىڭ قىزمەتكەرلەرىمەن كەزدەستى، دەپ حابارلادى اقوردانىڭ باسپا ءسوز قىزمەتى.
ءىس- شاراعا پرەزيدەنت اكىمشىلىگىنىڭ باسشىسى ن. نىعماتۋلين، مەملەكەتتىك حاتشى گ. ءابدىقالىقوۆا، پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ن. ەرمەكبايەۆ، قۇرىلىمدىق بولىمشەلەردىڭ باسشىلارى قاتىستى.
كەزدەسۋ بارىسىندا پرەزيدەنت اكىمشىلىگىنىڭ 2015 -جىلعى قىزمەتىنىڭ قىسقاشا قورىتىندىلارى شىعارىلدى.
نۇرسۇلتان نازاربايەۆ تاۋەلسىزدىكتىڭ 25 جىلدىعى اياسىندا ەل الدىندا ماڭىزدى مىندەتتەر تۇرعانىن، ولاردى تابىستى جۇزەگە اسىرۋ كوبىنە- كوپ مەملەكەتتىك قىزمەتشىلەردىڭ كاسىبيلىگىنە بايلانىستى ەكەنىن اتاپ ءوتتى.
سونداي-اق مەملەكەت باسشىسى جينالعان قاۋىمدى الداعى جاڭا جىلمەن قۇتتىقتاپ، مىقتى دەنساۋلىق، جەمىستى جۇمىس جانە باق-بەرەكە تىلەدى.
